airtel

Politique

24-avril-2024

OLGA RAMALASON

Raharaha efa 15 taona lasa no nanagadrana azy

Sample post image

Nampanantsoina teny anivon’ny tendrom-pitsarana misahana ny ady amin’ny kolikoly na ny PAC (Pôle anti-corruption) 67ha,

24-avril-2024

ary nadoboka am-ponja vonjimaika eny Antanimora nanomboka omaly talata 23 avrily 2024 takariva Rtoa Olga Ramalason, kandidan'ny vovonana Firaisankina amin'ny fifidianana Solombavambahoaka ao Antsirabe I. Raharaha tany amin’ny 2009, fony izy Ben’ny tananan'ny Kaominina Ambonivohitra Antsirabe no nofongarina anenjehana azy, amin’ny vesatra "abus de fonction" sy "faux en écriture publique", raha ny vaovao vonjimaika. “Raha raharaha efa tamin’ny 15 taona lasa dia nahoana no haingana be tahaka izany satria raha ny filazan’ny vady aman-janany dia ny maraina tamin’ny 9ora alina izy no nantsoina teny amin’ny PAC dia niandry teo fotsiny hatramin’ny 4 tolakandro, ary tonga dia hoe: noho ny antony izao sy izao dia miditra am-ponja vonjimaika, tsy misy niomanana”, hoy ny depiote sady mpisolovava Hanitra Razafimanantsoa. Misy ifandraisany amin’ny maha kandida azy any Antsirabe voalohany ve satria raha izao fisehoany izao dia hoe: nahoana no 15 taona aty aoriana no izao no mivoaka? Raha ben’ny tanàna izy tamin’izany dia tsy afaka handray fanapahan-kevitra tsotsotra. Raha ohatra ka resaka tany satria misy resaka an’izay ilay izy, dia tsy maintsy misy hidirana mpanolontsaina monisipaly na olona, hafa hoy hatrany ny Mpisolovava Hanitra Razafimanantsoa. Araka ny fantatra dia efa samy nodimandry ireo olona tandrifin'andraikitra tao amin'ny Kaominina amin’ity raharaha ity, ka izy no iandronan'ny rihitra, hoy ireo akaiky azy. Efa minisitry ny varotra tamin’ny tetezamita, ary efa Senatera TIM ihany koa ramatoa Olga Ramalason, ary kandida solombavambahoaka amin’ny anaran'ny vovonana Firaisankina ao Antsirabe I amin’ny fifidianana hatao ny 29 martsa. Roa aminy izany hatreto ireo kandidan’ny Firaisankiana tratry ny fatopatotra sy voataritarika eny amin’ny Fitsarana satria mbola tsy tena fantatra ihany koa izay iafaran’ny dosie Fetra Ralambozafimbololona, raha toa ka io nandefasana vonjimaika any Antanimora io kosa ny an-dRtoa Olga Ramalason. Andrasana ny tohiny! Andaniny, fampahatsiahivana fotsiny no atao fa nangina ireo dosie goavana nahasaringotra olon’ny fitondrana ary saika kandida depiote ny ankamaroan’ireny amin’izao, raha tsy hilaza afatsy ny Minisitry atitany teo aloha Atoa Tianarivelo Razafimahefa kandida depiote ao Ambatolampy, ny Minisitry ny Fitsarana teo aloha Atoa Imibiki Herilaza kandida any Sainte Marie,…
Toky R

 

Dans la même rubrique

17-mai-2024

Tsy nisy fitsabatsabahana nataon’ny vondrona eoropeanina loatra tamin’ny zava-nisy

Card image cap
17-mai-2024

Anisan’ireo nampanantenain’ny filoham-pirenena fa hananganana kianja manara-penitra ny ao Ankazobe.

Card image cap
17-mai-2024

Nivadika tanteraka ny rasa ao amin’ny distrikan’Ambatofinandrahana.

Card image cap
17-mai-2024

Efa manao izay tiany atao ny mpitondra fanjakana, hoy ny mpamakafaka, mpanao politika,

Card image cap
17-mai-2024

Niaiky hatrany ny Filoha Andry Rajoelina fa tena marary isika amin’ny lafiny angovo,

Card image cap
16-mai-2024

Hiakatra eo anivon’ny PAC na «Pole anti-corruption», izany hoe ny fitsarana miady amin’ny kolikoly,

Card image cap