Praiminisitra Ntsay ho sahy hanao fianianana

governemanta Ntsay Christian manaraka izao. Tsy hay moa hoe inona izany no zava-nanan-kasina nanaovan-drizareo fianianana tao fa toa sady tsy nisy Baiboly nitehenan’ny tanany ilany avy tao no tsy nisy heverina hoe zava-tsarobidy hafa hita maso nanaovany fianianana araka ny fomba malagasy mahazatra fa dia hoe nianiana, hono, izany izy ireo. Dia samy nifandimby nilaza ampahibemaso teo kosa aloha fa hikatsaka ny tombontsoa ho an’ny vahoaka malagasy, tsy hanao kolikoly, hiady amin’ny kolikoly sy ny tariny teo. Tetsy ankilany dia mba velom-panontaniana ihany ny mpanara-baovao hoe ary ilay praiminisitra ve izany anjely? Tena tsy nisy nampiahiahy mihitsy ve izany tao anatin’ny fotoam-piasan’io minisitra io tao anatin’izay 5 taona mahery naha praiminisitra azy izay nefa ilay firenena teo ambany fitarihany aza ity tongo-bakivaky sady maharary no maha menatra ary fantatr’izao tontolo izao tsianjery fa isan’ny firenena mahantra indrindra eto ambonin’ity tany ity ary isan’ireo firenena manana vahoaka noana maro indrindra ihany koa? Angaha moa tsy nandritry ny fotoana nitantanan’io praiminisitra io ny minisiteran’ny harena an-kibon’ny tany mihitsy no nisian’ilay volamena nivadika vy? Andrasan’ny mpanara-baovao fatratra koa, araka izany, ny fianianan’ity praiminisitra ity. Ho sahy izy ve sa tsia?
J. Mirija