airtel

Politique

26-août-2022

Politique

TICAD andiany faha-8 any Tunis Afaka tena hisintona tombotsoa ve ny Mpitondra ?

Sample post image

Handray anjara amin’ny TICAD (Conférence internationale de Tokyo sur le développement en Afrique) andiany faha-8 hatao ny 27-28 aogositra izany hoe : manomboka rahampitso any Tunis ny Fanjakana Malagasy.

26-août-2022

Ny Filoham-pirenena Andry Rajoelina no isan’ny ho any an-toerana raha ny vaovao niparitaka nanomboka omaly. Maro ny tetikasa iarahantsika amin’ny Japoney, raha tsy hilaza afatsy ny fanitarana ny seranantsambon’i Toamasina, hiarahana amin’ny Fandaharan’asa Japoney momba ny fampandrosoana na ny JICA, izay efa ny Fanjakana Rajaonarimampianina no angady nananana sy vy nahitana izany. Ny fifanarahana momba ny jono ataon’ny sambo Japoney 10 amin’ny sarany 1,16 tapitrisa dolara mandritra 2 taona kosa no isan’ny nataon’ny Fanjakana ankehitriny tamin’ny volana jolay teo. Efa nandray anjara tamin’ny hetsika nifanindran-dàlana tamin’io resaka TICAD io ny Filoha ny 22 aogositra farany teo, izay nanipihihany manokana ny ezaka momba ny fanatrarana ny fahavitan-tena ara-tsakafo eto Madagasikara, amin’ny alalan’ny fampiroboroboana ny fambolem-bary. Ny asa mandeha amin’izao fotoana izao, dia ny fanitarana ny tany hambolena mba hampiakarana ny vokatra hatrany amin’ny 46% amin’ny vokatra miakatra isaky ny hekitara. Efa nambaran’i Andry Rajoelina ihany koa ny fisian’ny tetikasa iarahana amin’ny JICA amin’ny alalan’ny fandefasana mpiasa eo amin’ny sehatry ny fambolena any Japon mba handray an-tànana ny tetikasa ara-pambolena, fa eo ihany koa ny fahafahany manovo traikefa ara-teknika momba ny fambolena, mba ahafahany manofana indray ny mpiray tanindrazana avy eo. Zava-dehibe ny tahaka izany, saingy ny zavatra hita sy tsikaritra aloha, mbola ambany lanja ny resaka fambolena sy fiompiana raha mitaha amin’ireo haitraitra sy haingotraingotra handanian’ny Fanjakana vola tsy toko tsy forohana. Raha handray ohatra iray mivaingana izay efa noresahana teto fa tsiahivina ihany dia ilay 77 tapitrisa dolara (280 000 000 000Ar) nanaovana ny kianja Barea, ahafahana mividy traktera 5600 isa raha kajiana ho 50 tapitrisa Ar eo ny vidin’ny traktera iray. 40 tapitrisa dolara eo no ahafahana manajary ny tanimbary eto Madagasikara, saingy toa tsy tena rototra firy ny fitondrana, raha tarafina amin’ilay hoe : efa ny mpamatsy vola no nilaza fa tokony ho laharam-pahamehana ho antsika ny fambolena sy fiompiana vao nanao fikaonandoham-pirenena momba izany.

Toky R


 

Dans la même rubrique

19-avril-2024

Mitohy hatrany ny fitsidihana sekoly eto Fianarantsoa sy ny manodidina, tanterahin'i Docteur Marie Michelle

Card image cap
19-avril-2024

Nolaniana ny didim-panjakana laharana faha 2024-959 manova ny andininy sasany

Card image cap
19-avril-2024

Tontosa omaly alakamisy 18 aprily 2024 tao amin'ny Lapan’ny Antenimierampirenena ny

Card image cap
19-avril-2024

Hita ho mbola niara-nitokan-javatra tamin’ny filoham-pirenena, Andry Rajoelina,

Card image cap
18-avril-2024

Kandida avy amin’ny antoko AREMA miisa 25 no tsy afaka mandray anajara amin’ny fifidianana ho

Card image cap
18-avril-2024

Nanahirana ny nikarakara ny taratasy filatsahan-kofidiana solombavambahoaka tamin’ity,

Card image cap