airtel

Politique

15-mai-2024

Politique

Vovonana politika ‘Lay Far Nivaky ho roa, nisy lasa niaraka amin-dRtoa Olga Rajoelina

Sample post image

Nanao fanambarana manokana ny «miaraka amin’i Maman Olga Rajoelina»

15-mai-2024

Volana vitsivitsy lasa izay no nampahafantarina tamin’ny fomba ofisialy tetsy Namontana ny fitsanganan’ny antoko politika Les Phares, izay ao anatin’ny Vovonana politika ‘Lay Far na ‘Lay fitiavana antsika rehetra, tarihin’ny filohany, Rafanomezantsoa Georges, ary nanamafy fa mijoro hatrany ho hery afovoany na «centriste» ary manana fotokevitra ho fanabeazam-boho ny lafiny sosialy sy mahaolona. Nanao fanambarana manokana kosa omaly ny antsoina hoe ‘Lay Far miaraka amin’i Maman Olga Rajoelina fa mijoro hatrany izy ireo mandray anjara mavitrika miatrika ny raharaham-pirenena ary mifototra amin’ny lalan-tsaina miaro ny safidim-bahoaka. Adidy lehibe, hoy izy ireo, ny manao izay ahamari-toerana izao fitondrana izao amin’ny alalan’ny fahazoana maro an’isa eny amin’ny antenimieram-pirenena. Tsy vitan’ny fizahozahoana ara-politika eo amintsika antoko politika sy fikambanana maro samihafa mitovy fomba fijery manohana ny filoha Rajoelina sy ny fitondrana ankapobeny izany fa ilàna fanamafisan’orina fifankatiavana sy fiaraha-miasa feno fifanajana, feno fifandeferana mba tsy isika indray no hanao politika hanome vahana ireo mpifanandrina mpanohitra izao fanjakana izao. Ny fahendrena malagasy dia mitaiza antsika hanao akanga maro tsy vakin’amboa. Aoka isika tsy hanao fahadisoam-pamindra ara-politika fa tsy hitondra soa ho an’ny fitondrana niaraha-nametraka izany, hoy hatrany ny fanambarana. Nanamafy tetsy amin’ny foiben’izy ireo etsy 67ha, ankoatran’izay, ny filohan’ity ‘Lay Far miaraka amin’i Maman Olga Rajoelina ity, Mamitiana Rakotoniaina, fa ambetin-teniny ihany koa nandritry ny fitsidiham-paritra nataony tany Moramanga sy Anosibe Anala ary Morafenobe vao tsy ela akory izay ny hoe tsy mivadi-belirano amin’ny filoha Andry Nirina Rajoelina ny ‘Lay Far miaraka amin’i Maman Olga Rajoelina. Nilaza kosa tetsy ankilany ny filohan’ny ‘Lay Far, Rafanomezantsoa Georges, fa ho avy tsy ho ela ny fampahafantaran’izy ireo amin’ny haino aman-jery ireo tena mandrafitra marina izany vovonana izany mba hisorohana ny mety ho fisandohana. Azo lazaina ho nivaky 2 izany hatreto aloha ity vovonana politika ity mandra-piandry izany rehetra izany.
J. Mirija
 

Dans la même rubrique

17-mai-2024

Tsy nisy fitsabatsabahana nataon’ny vondrona eoropeanina loatra tamin’ny zava-nisy

Card image cap
17-mai-2024

Anisan’ireo nampanantenain’ny filoham-pirenena fa hananganana kianja manara-penitra ny ao Ankazobe.

Card image cap
17-mai-2024

Nivadika tanteraka ny rasa ao amin’ny distrikan’Ambatofinandrahana.

Card image cap
17-mai-2024

Efa manao izay tiany atao ny mpitondra fanjakana, hoy ny mpamakafaka, mpanao politika,

Card image cap
17-mai-2024

Niaiky hatrany ny Filoha Andry Rajoelina fa tena marary isika amin’ny lafiny angovo,

Card image cap
16-mai-2024

Hiakatra eo anivon’ny PAC na «Pole anti-corruption», izany hoe ny fitsarana miady amin’ny kolikoly,

Card image cap