Sosialy

teny Anosy ny Atrikasa nankatoavana ny drafitra hampiharana ny praograma fampananan'asa sy fandrisihana ny tanora amin’ny fandraharahana eto Madagasikara. Fitohizan'ireo fihaonana maro vita teo aloha izy io, izay nihainoana sy nandraisana ny hevitr'ireo tanora Malagasy mahakasika ny hetaheta sy ny zavatra ilain’izy ireo amin'ny tontolon'ny asa, araka ny tatitry ny Fiadidian’ny Primatiora. Lafiny telo no tsy maintsy jerena raha te hanatsara ny tontolon'ny asa isika, dia ny tolotra, ny tinady, ary ny lafiny fitantanana, hoy ny fanazavana ara-teknika. Amin'ny andaniny dia mila manatsara ny tolotra ireo tanora, ary izany dia amin'ny alalan’ny fanamafisana ny fahaiza-manaony. Ankilan’izay dia jerena ny tokony hanatsarana ny sehatra rehetra mety hiteraka asa. Mizotra amin'izany ny ezaka ataon'ny fitondram-panjakana, ary nohamafisin'ny Praiminisitra fa mila manohana bebe kokoa an’ireo tanora eny amin'ny tontolo ambanivohitra izay maro an'isa isika ao anatin'izany finiavana hanatsara ny fampananan'asa sy fampandraharahana ny tanora izany, hoy ny fampitam-baovao.
MILA FAMPIANARANA SY FANOFANANA NY TANORA MOMBA NY HARENA ANANAN’I MADAGASIKARA
Mbola mila ezaka be I Madagasikara amin’ny tontolon’ny fampananan’asa sy fandrisihana ny tanora handraharaha. Mananosarotra ihany koa ny hoenti-manana. Betsaka anefa ny sehatra azo hanompanana fihariana eto Madagasikara, saingy ny tsikaritra, dia vao any amin’ny tontolon’ny fampianarana dia efa tsy mifandraika amin’ny tena zava-misy sy ny harena eto ny fanofanana ny tanora. Betsaka, ohatra, ny zavatra azo hanaovana asa fandraharahana sy hananganana fihariana eto, raha tarafina amin’ny harena, na an-tanety na ambanin’ny tany na an-dranomasina, saingy tsy voafehy satria tsy dia tena mifantoka amin’ireny ny fampianarana eto. Mety mamaha amin’ny ampahany ny tahan’ny tsy fananan’asan’ny tanora ny fanompanana ny fampianarana amin’I Madagasikara sy ny harena ao aminy, araka ny vinan’ny Firaisankinan’ny Tia Tanindrazana.
Nangonin’I Toky R