Famatsian-drano eto Antananarivo

Hisy fikorontanana amin’ny famatsiana herinaratra amin’ny faritra sasany eto Antananarivo mandritra ny andro maromaro ho avy izao. Voakasik’izany ny eny Anosizato hatrany Soavinandriana, Itaosy sy ny manodidina, Talatamaty, Ambohimanarina, ary Ambodimita, hoy io orinasam-panjakana io. Araka ny fanazavan’ny Jirama, fahasimban’ny vata mpanova herinaratra manana tanjaka 25 MVA eny amin’ny sous-station Tana Sud Anosizato no anton’izany olana izany. Tsy maintsy entina eny Ambodivona io fitaovana io, ka haharitra eo amin’ny 15 andro eo ho eo ny fanamboarana azy. Mandritra izany fotoana izany, mety hisy fahatapahana herinaratra miverimberina, mifandimby, na maharitra amin’ireo faritra voakasika, hoy hatrany ny Jirama. Isan’andro efa olana sy fikorontanana, saingy mbola hihamafy ao anatin’ny 15 andro. Asa rahoviana vao tsy hisy fitanisana olana mandavan-taona ? Mbola mitoetra hatrany ilay fanontaniana nataon’ny Filoha ankehitriny Andry Rajoelina tamin’ny 2018 : tsy misy intsony ve ny delestazy ?
Toky R