Fandravàna

Nifandona ny mpitandro filaminana sy mpivarotra ny alin'ny sabotsy teo tetsy amin'ny tsenan'ny Behoririka. Nitokona tsy nanaiky hiala toy ireo mpitatitra teny amin'ny Fasan'ny Karàna koa ireo mpivarotra, raha ny fampitàm-baovao voaray ka tsy nanaiky ny handravàna ny tsenan'izy ireo. Raikitra ny tora-bato sy ny fibahanana ny arabe, niampy fandoroana kodiarana sy ny toy izany rehetra. Andro efa tamin'ny 9 ora alina, mbola nirefodrefotra ny baomba mandatsa-dranomason'ny mpitandro filaminana. Andrasana indray, araka izany, ny mety ho tohin'ny fandaminana avy amin'ny fiadidiana ny tanàn'Antananarivo renivohitra amin'ity anio ity, raha ny fampitàm-baovao voaray hatrany.
Nangonin'i J. Mirija