FIOMANANA

Fotoana fohy sisa dia hiditra tanteraka ao anatin’ny vanim-potoanan’ny fahavaratra isika. Ilana fiomanana izany hisorohana ny tondra-drano indrindra fa ny eny amin’ny faritra iva. Natomboka tao amin’ny Fokontany Andohatapenaka I sy Ambodihady ary Ambohimanarina ny faran’ny herinandro teo ilay hetsika asa takalo sakafo na «Vivres contre travail » (VCT), entina manatanteraka izany. Mampiray hira ny mponina ny fisian’ny hetsika fahadiovan’ny tanana tahaka izao no sady manampy ireo fianakaviana marefo. Mandray anjara mivantana amin’ny asa ireo mpahazo tombontsoa indrindra fa ireo vehivavy sy ny olon-dehibe izay tena maro an’isa tokoa. Nambaran’ny tompon’andraikitra moa fa mbola hiitatra any amin’ireo Fokontany hafa mandrafitra ny kaominina Antananarivo renivohitra ny hetsika, mba hisian’ny tanàna madio kokoa sy ny fiarahamonina vonona hiatrika ny fotoam-pahavaratra. Tsiahivina fa ankoatra ny fako tsotra dia ny harona sachet plastika sy ny tavoahangy plastika no mameno ny 80%-n’ireo fako manentsina ny tatatra eto an-drenivohitra.
Pati
Legende : Mandeha tsara tahaka izao ny asa !