Fisokafan'ny taom-piotazana

Nosokafana ofisialy omaly tao amin'ny Kaominina Ambanivohitra Andemaka, Distrikan'i Vohipeno ny taom-piotazana sy taom-pambolena kafe 2026 ao amin'ny Faritra Fitovinagny. Manodidina ny 2.000 Ariary ny kapoaka iray, raha 8.000 Ariary kosa ny kilaony amin'izao fanombohan'ny taom-piotazana Kafe izao. Nanamafy ny tsy maintsy hanajana ny lalàna sy ny fitsipika mifehy ny fiotazana, ny fanangonam-bokatra ary ny varotra kafe, ny Lehiben'ny Faritra Fitovinany, Razafintsiandraofa Jean Brunelle, ho fiarovana ny tombontsoan'ny tantsaha sy ho fanatsarana ny kalitaon'ny vokatra. Ny tetikasa PIC3 koa tetsy ankilany dia manome tantsoroka ireo mpamokatra sy mpandraharaha amin'ny alalan'ny fanentanana sy fanomezana toromarika mikasika ny fanarahana ireo fenitra takian'ny tsena anatiny sy ivelany, mba hampitomboana ny kalitao sy ny sandan'ny kafe vokarina eto Fitovinagny. Amin'ny 02 Jolay 2026 no fisokafan’ny taom-piotazana kafe ho an’ireo faritra an-tendrombohitra.
Jean D.
Fanokafana ny taom-piotazana kafe tao Andemaka, Distrikan'i Vohipeno