airtel

Sosialy

08-févr-2022

Sosialy

Tetikasa “Aqua-kere” Olona 500 000 no hahazo tombotsoa any atsimo

Sample post image

Ny 87%-n’ireo mponina any amin’ny faritra Atsimo Andrefana sy Androy no lasibatry ny fahantrana tanteraka amin’izao indrindra fa ny any ambanivohitra.

08-févr-2022

 Ankoatra ny hanohanana izay manjo azy ireo vokatry ny haintany mantsy dia tapitra maty avokoa ny biby fiompy sy ny fambolena, antony manosika ny Vondrona Enara, ny fikambanana Defi ary ny fikambanana Manampy hifanome tanana amin’izy ireo. Amin’ny alalan’ilay tetikasa “Aqua-kere” no hanatanterahan’izy ireo izany ka hisy ny fanamboarana vovon-drano izay vinavinaina hamokatra rano 100 m³ isan’andro. Toraka izany koa ny famokarana herinaratra mandeha amin’ny herin’ny masoandro…. Olona manodidina ny 100.000 isa no kendrena hahazo tombontsoa amin’izany ao anatin’ny 5 taona hanaovana ny tetikasa raha omena hotantanan’ny fikambanana kosa ireo foto-drafitrasa vao hatsangana. Tontosa omaly moa ny sonia fifanekem-piaraha-miasa teo amin’ny Vondrona Enara, ny fikambanana Defi ary ny fikambanana Manampy izay hifanome tanana amin’ny fanatanterahana izany. Tanjon’ny telo tonta ny hahafahana manafoana mian-dalana ny fahantrana mianjady amin’ireo mponina any amin’ny faritra atsimon’ny Nosy ateraky ny kere arahin’ny fitazonana azy ireo mba hotamana any amin’ny faritra misy azy ho enti-miady amin’ny fifindra-monina.
Pati
Legende : Tena mila fanampiana ireo mpiara-belona any amin’ny faritra atsimon’ny Nosy
 

Dans la même rubrique

18-juin-2024

Na dia efa hadrohadroan’ny mpanara-baovao aza hoe izao no fandrosoana eto amin’ny firenena aminy,

Card image cap
18-juin-2024

Tsy ny lozam-pifamoivoizana foana akory no hahafantarana ireo mpitondra

Card image cap
18-juin-2024

Nanohana akaiky ireo mpanome ra an-tsitrapo ny orinasa Star.Niara-niasa tamin’ny

Card image cap
17-juin-2024

Potika ny an-tsasamanilan’ny fambolen’ireo mponina any amin’ny distrikan’i Morombe.

Card image cap