Tsy fahampian-drano eto an-drenivohitra

Miha mahery vaika isam-boana ny fahatapahana ka na ireo paompin-dranom-pokonolona aza dia manana olana ihany koa, ny any an-tokantrano moa dia efa zara raha misy 1 na 2 ora isan-kalina no mandeha ny rano. Mahafantatra tsara an’io ny kandida ho ben’ny tanàna Tahina Razafinjoelina ary efa ao anatin’ny vinan’ny Tia Tanindrazana mihitsy ny resaka rano ho an’ny mponina.Ho fanombohana ny Asa Maharitra ho an’Antananarivo (AMA) amin’ny lavadrano dia efa nisy lavadrano 2 vita eny Mahatony.Ary tamin’ity herinandro ity dia misy asa fandavahana lavadrano miisa 5 izay efa mandeha eny Andohan’i Mandroseza, Ampamatanana, Amboditsiry ary Ambatomaro. Ireo olona ao amin’ny fokontany sy ny boriboritany no mahalala hoe ahoana ny filàna dia arakarak’izay no hanaovana ilay tetikasa. Sady mitsinjo ireo tsy an’asa no mamaly ny filàn’ny mponina ny Asa Maharitra ho an’Antananarivo. Tsara ho marihina fa rano natao idiovana sy hanasana lamba ny rano tovozona avy amin’ireto lavadrano ireto.
RTT