Nametraka fanontaniana mikasika ny baolina kitra malagasy ny mpanao gazety ara-panatanjahantena franco-irlandey, Anthony Pla, manoloana ny filazàna fa fankahalàna ny filohan'ny federasionina malagasin'ny baolina kitra na FMF no hitakian'ny olona sasany fialàn'ity filohan'ny FMF ity. Ilay “fankahalàna” lazaina fa atao amin’ny filoha Alfred Randriamanampisoa ve no mahatonga ny baolina kitra malagasy hikorosy fahana amin’ny sehatra rehetra, hoy izy? Tsy maintsy apetraka io fanontaniana io satria raha ny filazan’ny sasany mantsy dia tsy ny fitantanana akory no olana. Tena tsara tantana hono ny zava-drehetra, hoy hatrany ity mpanao gazety ara-panatanjahantena ity somary gaga ihany nanoloana izany filazàna izany!
Nangonin'i J. Mirija