ADY AMIN’NY HERISETRA-BFP

amin’ny mahalahy sy mahavavy. Anisan’ny niasa mafy namita ny adidiny tamin’izany ny BFP na ny Brigade Feminine de Proximite nanerana ny Nosy toy ny teto Antananarivo, Antsiranana, Mahajanga, Toamasina, Antsirabe, Fianarantsoa, Manakara, Ihosy, ary Toliara. Raha tsiahivina kely dia 5 taona izay ny BFP no niara-dia tamin’ny Association Fitia tamin'ny ady natao tamin’ny herisetra. Ny tanjona iombonana dia ny hiady amin'ny herisetra sy ny hanohanana ireo izay niharan’izany mba “hanarin-tena”. Manome fampiofanana maimaim-poana ho an'ireo vehivavy niharan'ny herisetra manerana ny Nosy araka izany ny BFP. Mandritra ny roa herinandro eo ho eo, dia fampiofanana mifantoka amin'ny fomba fanarenana ny fiainana sy ny fahaiza-manao ara-toekarena no omen’ny BFP azy ireo toy ny fanamboarana frites , ny famokarana ranom-boankazo , ary ny fitafiana sy ny fanjairana. Nozaaraina fitaovana sy vatsy ihany koa ireo mpiofana hahafahan’izy ireo manomboka tetikasa vaovao eo amin'ny fiainany. Tamin'ny andro voalohany, ny 5 desambra lasa teo tao amin’ny BFP Antsirabe dia vehivavy miisa 15 no nisitraka fitaovana sy vatsy, ka anisan'izany ireo vehivavy avy ao amin'ny fikambanana Aide aux Filles et Femmes en Detresse de Madagascar. Notolorana mari-pahaizana ihany koa izy ireo.
Pati
Legende : Sady mampiofana no mizara fitaovana tahaka izao izy ireo !