Tsy misy faritra tsy ahitana harena ankibon’ny tany raha mbola eto Madagasikara. Mila ho isan’andro no andrenesana fa vaky ny kariera atsy, mipoaka ny kariera aroa. Manaporofo izany ireo fitetezam-paritra nataon’ny minisitry ny harena an-kibon'ny tany sy ny loharanon-karena Stratejika, Rakotomalala Olivier Herindrainy, nametrahana "Zone d'encadrement" izay ivondronan'ireo mpitrandraka madinika avy any ifotony amin’ireo toerana samihafa ahitana toeram-pitrandrahana. Fa ny fanontaniana mipetraka dia hoe : tena mba misitraka ny tombontsoa avy amin’ireny fitrandrahana ireny tokoa ve ny Malagasy ao amin’ny Faritra isiany sa fehezin’olombitsy ny harena ? Ny loza aza dia lasa ifandrafiana sy ifamonon’ny samy Malagasy sy miteraka fanilikilihana ny raharaha, toy izay nitranga tany Andialana Avaratra, Distrika Amparafaravola. Ahiana hivaona toy izany ny tranga ao amin’ny toeram-pitrandrahana any Ambalamahatsara sy Antsahakely, Distrika Ambatofinandrahana, ampahany amin’ireo toeram-pitrandrahana harena ankibon’ny tany vao nivoaka any amin’ny Faritra Amoron’i Mania. Tamin’ny fidinana ifotony nataon’ireo manampahefana dia novoizina ny fahalalahana, mba samy hisitraka izany Malagasy ary samy resy lahatra ny rehetra fa hitondra fampandrosoana an’Amoron’i Mania ireo vato sarobidy sady lafo vidy mivoaka ny kariera. Teo ampanombohana ihany anefa izay no nihatra fa fehezin’olombitsy ny fitrandrahana ankehitriny. Ny loza aza dia mety hihatra aman’aina ny fidiran’olona ivelany amin’ny kariera, zary lasa fitehirizan’entana sy fanaovana bizina vato ny toeram-pitsaboana fototra eny hatramin’ny fitaovana enti-miasa avy amin’ny mpiara-miombon’antoka tokony hanamorana ny fanatanterahana ny asa momba ny fahasalamana any an-toerana aza mihodina amin-javatra hafa. Sarotra ny hino hoe tsy fantatry ny lehibe isan’ambaratonga izany fa na izy ireo voatapi-maso na miara-misaika amin’ity fitrandrahana vato ity, ka anairana ireo raiamandrenin’ny Faritra hijoro handamina.
Jean D.
Ankoatra ny tany Toamasina izay nolazaina fa misy olana ny fampifandraisana ny
Efa namono olona 6 (1Mananara Avaratra, 1 Vavatenina, 1 Toamasina II, 3 Maroantsetra)
Tovolahy iray mpianatra ho zandary ao amin’ny Sekolin'ny Zandarimariam-pirenena na ny EGNA Ambositra
Miharatsy hatrany ny fitrangan’ireo karazana fanolanana misy eto amintsika ankehitriny.
Ao anatin'ireo hetsika hatao manerana ny Nosy hanamarihana ny hetsi-pahatsiarovana ny 29 Marsa 1947,
Olana mandavan-taona! Mikorontana indray ny famokarana herinaratra