Actualités

Lohahevitra amin’izany ny hoe: “''Energiewende - Securing a Green Future'' na Firosoana amin’ny angovo azo havaozina, antoka ho an’ny ho avy ekolojika. Niatrika izany ny Minisitry ny Angovo sy akoran’afo Malagasy Solo Andriamanampisoa. Ambohipihaonan’ireo sangany amin’ny sehatry ny angovo azo havaozina io, ary voasokajy ho atrik’asa goavana indrindra momba ny fifampiresahana iraisam-pirenena mikasika ny fiovaovan’ny toetr’andro sy ny firosoana amin’ny angovo azo havaozina. Nahatratra 2000 ireo mpandray anjara avy amin’ny firenena maherin’ny 90, ka 50 minisitry ny raharaham-bahiny niampy minisitry ny angovo sy sekreteram-panjakana, ary teo ihany koa ny mpandaha-teny hatrany amin’ny 100. Ho an’I Madagasikara manokana, omaly ny fotoana nandraisan’ny minisitry ny angovo Malagasy fitenenena, saingy tsy nandeha izany tamin’ny fotoana nanoratana. Ankoatra ny fandraisan’anjaran’I Madagasikara amin’io fihaonana avo lenta momba ny angovo io, manampy hatrany ity Nosy ity amin’ny firosoana amin’ny angovo azo havaozina ny governemanta Alemà, amin’ny alalan’ny fandaharan’asa momba ny fiaraha-miasa ara-teknikan’i Allemagne dia ny GIZ PERER na ny Fampiroboroboana ny herinaratra any ambanivohitra sy ny angovo azo havaozina, izay iaraha-miasa amin’ny Minisiteran’ny Angovo, hoy ny eo anivon’ny Masoivohon’I Allemagne.
Toky R