airtel

Actualités

04-nov-2022

Actualités

Fanadihadiana ny raharaha Ikongo Hodinihin’ny Antenimiera ny fananganana kaomisionina

Sample post image

Hodinihina ao amin’ny asam-baomiera eo anivon’ny Antenimieram-pirenena ny alatsinainy 07 novambra 2022 izao ny fangatahana fananganana kaomisionina mpanao fanadihadiana mikasika ny raharaha Ikongo,

04-nov-2022

izay nisiana fitifirana vahoaka nahafatesana olona manodidina ny 30, ary naharatrana maro ny 29 aogositra lasa teo. Soso-kevitra niainga avy amin’ny Depiote Brunelle Razafitsiandraofa izay voafidy tany amin’ny distrikan’Ikongo sady Filoha lefitry ny Antenimieram-pirenena io. Somary nangingina moa ny tohin’ity raharaha ity, izay niteraka adihevitra samihafa. Io depioten’Ikongo io izay efa nilaza ankarihary fa tsy fiarovan-tena intsony ireny, fa vono moka. Nisy mihitsy aza ny filazany izay voalaza fa niainga tamin’ireo nanatri-maso, fa dia nafindra fa taorian’ny nitifirana vahoaka vao nafindra toerana ny tady mamaritra ny faritra mena. Tahaka izany ihany koa ny hoe: nisiana manamboninahitra ambony nanome baiko hoe: “tonga dia rafaleo”,… Marihina fa manamboninahitra ambony avy amin’ny polisim-pirenena Atoa Brunelle Razafitsiandraofa ankoatra ny maha depiote azy. Tetsy ankilany, ny Sekreteram-panjakana miadidy ny zandarimariam-pirenena Jeneraly Serge Gellé dia efa naneho tetsy ankilany fa nanaraka ny antanan-tohatra sy ny voalazan’ny lalàna misy ny mpitandro ny filaminana. Naneho fa namerina ny filaminana sy niaro ny borigady izay misy fitaovam-piadiana sy ireo olona notazoninana izay nahiana ho nanao asa ratsy ny zandary. Na izany aza, navelan’ny zandary teo ihany ny toby rehefa vita ny fitifirana, ary tsy fantatra intsony ny niafaran’ireo olona notazonina, izay voalaza fa votsotra. Teo ihany koa ny nilazan’ny SEG fa tsy ny zandary irery no nitifitra fa nisy polisy naka sy nampiasa basin’ny zandary,… Mbola antenaina ho lasa lavitra ve ity raharaha ity sa hitohy hangina sy hatory tanteraka? Tetsy ankilany, toa lasa fifamaliana ankolaka teo amin’ny SEG sy ny depiote Brunelle ny resaka tontolon’ny mpitandro filaminana. Ity depiote ity nilaza fa tokony hofoanana ny zandarimaria, ny andaniny namaly ankolaka hoe: alefaso ary ny tolo-dalàna manafoana azy raha izany.
Toky R
 

Dans la même rubrique

16-avril-2024

Miitatra ny savorovoro eo anivon’ny Kaominina Antananarivo eo anatrehan’ny raharaha fampidiram-bola sy fitantanam-bola.

Card image cap
16-avril-2024

Betsaka ny olana navelan’ny mpitantana ny kaominina Antananarivo renivohitra teo aloha,

Card image cap
16-avril-2024

Ny vinavinan’ny fitomboan’ny mponina eto Madagasikara niainga tamin’ny RGPH-3 (Récencemant Général de la Population et de l’Habitation)

Card image cap
16-avril-2024

Mba hanatsarana ny fitantanana ny harena voajanahary, napetraka ny rafitra fifanakalozam-baovao

Card image cap
16-avril-2024

Tsy nitsahatra nanentana eo amin’ireo mpandraharaha hisitraka ny

Card image cap
16-avril-2024

Mafy ny manjo ireo fianakaviana manodidina ny 20 isa monina amina trano miisa 5 mipetraka

Card image cap