Actualités

teny amin’ny oniversiten’Antananarivo omaly ny filoha nasionalin’ny antoko politika Malagasy Miara-Miainga, Hajo Andrianainarivelo. Fihaonana mifandray amin’ny fandaharam-pianaran’ireo mpianatra hiresahana ny tontolon’ny politika io, raha ny fanazavana. Lohahevitra noraisina nandritra izany ny hoe « Olana eo amin’ny rafitra politika sy ny fampandrosoana eto Madagasikara ». Zava-dehibe ny fametrahana politika sahy sy politika mazava ary hentitra ho an’ny fampandrasoana ary hitondrana fanavaozana ho an’ny firenena, hoy ny filoha nasionalin’ny antoko MMM. Tanjona ho an’ny fizarana iarahana amin’ny mpisehatra ara-politika toy izao ny fanampiana ireo mpianatra hahafantatra bebe kokoa ny tontolo politika. Eo ihany koa ny famporisihana azy ireo handray anjara amin’izany amin’ny ho avy, hoy hatrany ny fanazavana. Ankoatran’ny famelabelarana, nisy ihany koa ny fizarana sy ny fifanankalozan-kevitra nataon’ny filohan’ny MMM niarahana tamin’ireo mpianatra haifiarahamonina nandritra izany. Tsiahivina, manodidina ny 280 isa ankehitriny ireo mpianatra taona fahatelo manaraka ny lalam-piofanana haifiarahamonina eny amin’ny anivon’ny oniversite an’Antananarivo.
J. Mirija