an’habaka anatin’ny TGRNR (Transfert de la Gestion des Ressources Naturelles Renouvelables) eto Madagasikara. Mamaritra ny fanakinana ny fiarovana ny harena voajanahary ho an’ireo vondron’olona ifotony ny TGRNR nanomboka ny taona 1996 amin’ny alalan’ny lalàna laharana 96-025 momba ny fitantanan’ny vondron’olona ifotony ny harena voajanahary. Isan’ny olana amin’ny fitantanana izany eto Madagasikara anefa ny tsy fahampiana eo amin’ny fifanamozam-baovao eo amin’ireo mpiantsehatra. Manampy trotraka izany ny tsy fisian’ny antontan-kevitra azo antoka mikasika ny tena zava-misy mifandraika amin’ny fitantanana ifotony ny harena voajanahary eto Madagasikara. Izay indrindra no nananganana ity « système d’information en ligne » na rafitra ifanakalozam-baovao an’habaka ity, raha ny fanamarihana. Eo ambany fitarihan’ny Minisiteran’ny tontolo iainana sy ny fampandrosoana lovain-jafy izay tohanan’ny WWF izy io, ka hahafahana manovo vaovao mikasika ny TGRNR manerana an’i Madagasikara. Azo arahina sy jerena ao anatin’io ny antontam-baovao samihafa toy ny karazan’ireo harena voajanahary tantanana (an-tanety, an-dranomasina), ny toerana misy azy, ny velarany, ny faharetan’ny fitantanana nifanarahana, ny tan-tsoroka teknika sy ara-bola,… Ahafahan’ireo rafi-pitantanana ny ala, ireo mpisehatra rehetra amin’ny fiarovana, ny rafitra ara-panjakana sy tsy miankina sy ny rehetra mahazo vaovao vaovao azo antoka sy mahomby eo noho eo. Voalaza fa ahafahana mandray fepetra sy fanapahan-kevitra eo noho eo mikasika ny fitantanana ny harena voajanahary ihany koa. Mahatratra 2 129 ny fifanarahana famindram-pitantanana harena voanjanahary ho an’ny vondron’olona ifotony 1 559, miantsoroka velarana 3 3396 554ha misy harena voajanahary, toy ny ala, ala honko, renirano, ary harena samihafa,…
Toky R
Nandefa taratasy tamin’ireo orinasam-pifandraisan-davitra na « opérateurs téléphoniques »
Ela fikenona ny fitondram-panjakana amin’ny fananganana governemanta vaovao,
Olana mandavan-taona ny Jirama, izay manamafy sy manaporofo ny tsy fahombiazan’ny Fanjakana Rajoelina.
Nofaranana ny talata 23 jolay lasa teo teny amin’ny EPP Ivato Village ny ampahany
Maro ireo Malagasy te-hiala mafy amin’ny hofantrano noho ny hasarotan’ny fiainana.
Tsy manana fahafahana ny handany volabe hikarakarana trano ny ankamaroan’ireo Malagasy