Japon sy Madagasikara

Noraisin'ny filohan'ny fanavaozana, ny Kolonely Michael Randrianirina, raha ny fampitàm-baovao voaray omaly, ny taratasy manendry ny masoivoho japoney vaovao hiasa eto Madagasikara, Hitoshi Tojima. Fihaonana izay nanamarika ny fanombohan'ny fe-potoam-piasan'ity masoivoho vaovao ity eto Madagasikara. Nanamafy ny fiaraha-miasa eo amin'ny firenena roa tonta koa izany, hoy ny fanazavàna. Naneho ny fiaraha-miory sy ny firaisankinan'ny governemanta japoney amin'ny vahoaka malagasy ny masoivoho Hitoshi Tojima, noho ny voina sy ireo fahasimbàna nateraky ny rivodoza Fytia farany teo, nandritra izany, raha ny fanampim-baovao voaray ihany. Nanamafy, araka izany, ny fanjakàna japoney fa hanohy ny fiaraha-miombon’antok’izy ireo amin’ny firenena malagasy.
Nangonin’i J. Mirija