tia tanindrazana

Parution du Mercredi, 10 Août 2022

airtel

Actualités

Solika mbola nifampitadiavana Tsy hisy ao anatin’ny 7 hatramin’ny 10 andro?

Tsy araka ny nambara ny zava-niseho omaly na teo aza ny fanambarana nataon’ny Tale Jeneralin’ny Ofisim-pirenena misahana ny angovo na OMH, fa ampy ny tahirin-tsolika eto Madagasikara,

04-août-2022

Sample post image

ary miverina ny famatsiana ho an’ireo nisy olana tahaka an’Antananarivo, Antsirabe, Fianarantsoa,… Toerana maro no tsy nahitana solika teto Antananarivo omaly, nitandahatra ny taksibrosy sy ny taksibe tany amin’ireo mbola nanana tahaka ny teny amin’ny By Pass. Nisy kosa ireo omaly vao nahatonga solika, tahaka ny tazana teny Ampasapito sy Ankadindramamy ambany. Ny Galana sy Jovenna no saika tsy nisy solika tamin’ny ankampobeny, lany ny tahiry ka tsy nivarotra nanomboka ny alatsinainy. Tena tsy nisy gazoala, ka dia niala maina ireo mpampiasa fiara. Misy moa ny mpanao politika naneho fa isan’ny anton’izao toe-javatra izao ny fifanolanana eo amin’ny Fanjakana sy ny orinasan-tsolika. Voalaza fa manodidina ny 1000 miliara Ar ny trosa, kanefa tsy manaiky ihany koa ny Fanjakana fa 550 miliara Ar ihany no mitombina sy hefaina, raha ny fanehoan-kevitra mandeha. Ny Minisitry ny angovo sy ny akoran’afo tetsy andaniny nilaza fa tsy fahampian’ny enti-manana teo amin’ny orinasa roa mpanafatra solika no antony. Tsy orinasa iray ihany no mpanafatra solika eto madagasikara. Miisa 4 izy ireo ka ny tsy fahampian’ny enti-manan’ny anankiroa tamin’izy ireo no tsy nampisy ny solika teny amin’ny tobin-tsolikany, hoy hatrany io minisitra io. Taorian’ny fivoriana niarahana tamin’izy ireo dia voalaza fa nifanaiky ny hifanampy izy ireo ka izay tsy manana dia ampindramina. Ity fandaminana ity no somary tara, hoy hatrany ny minisitra ka nahatonga ny olana. Nambara fa efa mandeha amin’ny tokony ho izy ny fitsinjarana amin’izao, saingy tsy tena mbola izay ny sary niseho omaly. TSY METY MITAONA SOLIKA IREO MPITATITRA? Etsy andaniny, misy ny hafatra niparitaka omaly nindrika toromarika maneho hoe : “manaova « plein », hisy ny tsy fisiana solika indrindra fa ao anatin’ny 7 ka hatramin’ny 10 andro. Araka ny ambaran’ireo mpitatitra solika, tsy mety mameno ireo fiara mpitatitra gazoala ao Toamasina». Andrasana izay mety ho setriny sy fandisoana avy amin’ny Fanjakana fa raha zohiana tamin’ny resaka nataon’ireo tompon’andraikitra sy ny filazany fa milamina ny zava-drehetra kanefa tsy izay no niseho hatry ny omaly, dia midika fa tena misy ny olana goavana momba ny solika.
Toky R
 

Dans la même rubrique

Card image cap
ADY AMIN’NY HOSOKA SY NY PIRATY Nanova paikady ny ministeran’ny serasera
10-août-2022

Mirongatra sy mahazo vahana ny hosoka sy ny fanaovana piraty eto amintsika. Ankoatra ny kapila mangirana izay nisasaran’ireo mpanankato mpamoron-kira sy mpilalao sary mihetsika ary nandaniany vola fatratra dia efa maro

Card image cap
Fikarohana ilay satroboninahitra Andrasana indray izay ho vokatry ny fiaraha-miasa amin'ny Interpol.
10-août-2022

Isan'ireo andraikitry ny borigady miady amin'ny piraty na BAP ny fikarohana ireo harem-bakoka, hoy ny fampitam-baovao voaray omaly.

Card image cap
Fanalana ny Tale Jeneralin’ny APMF Hiditra amin’ny dingana ambony kokoa ny mpiasa
10-août-2022

Mihamafy ny fitakian’ny SYPAMM (SYndicat du Personnel de l’Administration Maritime de Madagascar) mitaky ny fanesorana ny Tale Jeneralin’ny APMF (Agence Portuaire, Maritime et Fluviale) dia ny Capitaine de Vaisseau Jean Edmond Randrianantenain. T

Card image cap
Tambazotrana herinaratr'Antananarivo Hisy ny fananganana foto-drafitrasa goavana
09-août-2022

Hotanterahina tsy ho ela ilay tetikasa goavambe fanatsarana ny herinaratra eto amin’ny tambazotran’Antananarivo. PAGOSE

Card image cap
Trozona maty tao Morindava Efa noraofina dia nalevina
09-août-2022

Tena sahirana ny vahoaka Malagasy. Izay hita ka azo hanina dia harapaka avokoa sitrany ahay. Nahitana taratra izany ilay nofona trozona efa maty tany Morondava.

Card image cap
Noho ny “e-toroka” an’ny Jirama “Efa nisy tratra ireo mpangalatra herinaratra”
09-août-2022

Hatramin’ny nametrahana ny sampana manokana “e-toroka”, nilaza ny Jirama fa afaka namantatra ireo mpangalatra herinaratra marobe, toy ny teny 67Ha,

Voir plus