no niharan’ny fanolanana miverimberina tamin’iny taona 2023 iny, tao Amontana, Fianarantsoa, raha ny fampitam-baovao voaray omaly. Ilay zokiny 10 taona no tena nanamparan’ny lehilahy miisa 2 izany. Nataon’izy ireo aloha sy aoriana. Ilay zandriny kosa, nolalaovin’izy ireo ny fivaviany. Efa nisaraka ny ray sy renin’izy roavavy. Ny rain’izy ireo no miantoka azy ireo. Izy nanasa ny akanjon’izy mirahavavy no nahita rà tamin’ny atin’akanjo. Teo no nanomboka ny fanontaniana azy mirahavavy. Zareo moa noferan’ireo nanao ny herisetra tsy hiteniteny izay nanjo azy ireo. Ny 9 desambra teo no natao ny famotorana. Hatreto, mitaraina ny fianakaviana fa voarirarira. Mampalahelo ny zava-misy eto Fianarantsoa, hoy ny fianakaviana. Manasa ny tomponandraikitra isan-tsokajiny mba hijery ity tranga ity. Nanao kilasy mandry tao amin’ny “Maîtresse” na mpanabe azy ireo izy 2 vavy kely ho fanaraha-maso kokoa ny fianaran'izy ireo. Nanao fifanarahana izy sy ny dadany tamin'izany satria koa hono tsy niteraka ilay “Maitresse”. Naolan'ny sipan’i “Maîtresse” sy ny zanak'anadihin’i “Maitresse” ilay zazavavy kely zokiny. Simba tanteraka ny fivaviany. Aloha sy afara nataon'izy ireo avokoa, hoy ity fianakaviana ity mitantara. Naka “certificat médical” na sertifika mikasika ny fahasalamana dia milaza ny fahasimbana tamin’ny voalohany. Nasaina naverina indray dia hoe virijiny. Efa nisy kolikoly tao. Tsy niditra na dia “violon”, izany hoe fiazonana vonjimaika am-ponja ireo olona ireo fa dia mbola any mandehandeha any. Miandry “parquet” na fampanoavana, hono. Malahelo ny fianakaviana manana ny simba na ny amin’ny mety ho fahasalaman’ny zaza ka manasa ny filoham-pirenena Andry Rajoelina sy ireo tomponandraikitra voakasika rehetra mba hijery ity tranga ity fa mahonena, hoy hatrany ny fitarainan’ireo fianakaviana.
J. Mirija
Nifoha indray ny afera Jirama mikasika kolikoly goavana nahasaraingotra ireo mpitantana sasany.
Mbola mahatratra 50.000 ireo raharaham-pitsarana mihantona eo anivon’ny Fitsarana ambaratonga
12 tapitrisa Ariary no vidin’ilay vola volamena 50 Ariary milanja 1 Oz na 31,104 grama,
Endrey izany fiedinedin’ireo mpanao politika, maneho ny antsoina hoe :
Mikolay ny mpampiasa sy mpikirakira internet nanomboka ny alahady tolakandro teo noho ny haratsian’ny
Lasa mpilalao sary mihetsika malaza i Marc Tatandraza.