Tolotra internet eto Madagasikara

tambajotra, izay mihisatra dia mihisatra tokoa. Nimenomenona ny ankamaroan’ny mpanjifa indrindra fa ireo ao anatin’ny seha-pihariana mila izany. Omaly atoandro vao nilatsaka ny seraseran’ireo « operateurs » fa fahatapahan’ny fantsona tariby fifandraisan-davitra any ambany ranomasina na « câbles sous-marins » manerana ny faritra Afrika Atsinanana no nahatonga izany. Fahatapahan’ny làlam-pifandraisana iraisam-pirenena any Afrika Atsimo, hoy ny tambajotra iray. Vokany, mikorontana, tapatapaka sy mihena ny hafainganan’ny fifandraisana amin’ny internet amin’ny Firenena maro ka tafiditra ao anatin’io i Madagasikara. Isan’ny tena mampitaraina ny mpanjifa ny tolotra internet amin’izao fotoana izao satria mihalafo kanefa toa miharatsy ihany koa ny tolotra. Nohamafisina sy nolaniana tao anatin’ny filankevitry ny governemanta ny 8 mey ny fanafoanana ilay « prix plancher » na fameram-bidy 0,95 dolara ny 1gigaoctet izay tokony hampiverina amin’ny laoniny ny saran’ny internet izay nidangana tampoka ka mby aiza ny fampiharana? Aiza ny fandraisan’andraikitry ny Fanjakana izay fositra niteraka an’iny sa mijanona amin’ny fanambarana am-bava sy an-taratasy tsy misy mpanaraka? Viraviraina tanteraka amin’izay tiana hanaovana azy ny mpanjifa ?
Toky R