Brickaville

Nitrangana halatr'omby tao Manambolo Fokontany Manambato ny alin'ny sabotsy teo. Vao nahazo fampandrenesana ny zandary avy ao amin'ny Brigade territoriale Brickaville dia roso tamin'ny fanarahan-dia avy hatrany, nifanampy tamin'ny Fokonolona. Ny alin'ny alahady, apitson'io dia indreto nisy roalahy manosika kalesy teny amin'ny arabe, mitondra hena toy ireny hena ara-dalàna hamidy ireny saingy taratasy hafa no nasehon'izy ireo nitondrana azy. Teo no nampiahiahy ireo Zandary izay nanokatra fanadihadiana avy hatrany ka tra-tehaka tamin'izany fa henan'omby halatra ilay teo ambony kalesy ary dahalo ireto nanosika. Efa nisy nanombinana nataon'izy ireo tsaky ny hena. Mitohy ny fanadihadiana hikarohana izay mety ho mpiray tsikombakomba amin'izy ireo. Hatolotra ny Fitsarana izy ireo aorian'izay.
Jean D.
Hena halatra no natosik'izy roalahy tamin'ny kalesy tsy amin-tahotra