Fandriampahalemana

distrikan’Ambatondrazaka sy ny zanany vavikely vao 7 taona monja no efa nosamborina omaly hariva. Raha tsiahivina kely ny tantara dia feno dian’antsy ny tenan’izy mianaka ireto. Ilay zazavavy hita tao an-dakozia niaraka tamin’ny tongotra keliny efa misandrahaka. Hita tao amin’ny efitrano lehibe kosa ny Reniny, saingy tsy nisy nokitihina ireo firavaka nampiriminy tao an-trano fa ny aina ihany no nalan’ireo jiolahy. Efa tamin’ny alarobia moa no tsy hitan’ny olona teo amin’ny manodidina izy mianaka ireto. Nihevitra ny rehetra fa namonjy ny fankalazana ny datin’ny 08 Martsa izy ireo. Gaga anefa ny olona fa mbola tsy hita ihany izy ireo omaly maraina, antony nanosika ny Renim-pianakaviana iray hamoha ny varavarana rehefa nahita zanaka lakile teo an-tokontany. Mbola nihidy gadana avy any ivelany avokoa mantsy ny efitrano nisy azy ireo. Niantso fitoniana ho an’ny rehetra araka izany ny Ben’ny tananan’i Manakambahiny. Saika niharan’ny fitsaram-bahoaka mantsy ilay tovolahy. Nilaza izy fa efa misy ny couvre feu napetraka ao an-tanana hahafahana mitandro ny fandriampahalemana.
Pati
Legende : Niara-namoy ny ainy izy mianaka