ZAZA VERY TETO AN-DRENIVOHITRA

teto an-drenivohitra nanao filazana teo anivon’ny Polisim-pirenena, raha araka ny vaovao azo. Tamin’ity volana May ity anefa no betsaka indrindra satria dia nahatratra 14 isa izany. Raha araka ny fantatra dia ireo ankizy mitsoaka ny tokantranon-dRay aman-dReniny no tena betsaka amin’izy ireo. Mety ho vokatry ny tsy fahafaliana ny amin’ny fiainana hiainany izany hoy ny psikology iray nefa mety ho vokatry ny fitanilan’ny fitaizana ihany koa. Rehefa tsy ampy fitaizana mantsy ny ankizy noho ny rotorotom-piainana hiainan’ny Ray aman-dReny isan’andro dia lasa mitady fitiavana any an-kafa. Misy indray ireo mikatsaka izany anaty finday noho ny fivoaran’ny teknolojia avo lenta ankehitriny. Tsy mety hoy hatrany ity psikology ity ny fividianana finday avo lenta ho an’ny ankizy ho takalon’ny tsy fahampian’ny fotoana hihaonan’ny Ray aman-dReny sy ny zanaka. Avy amin’ny alalan’izany mantsy no mampanita-tsaina ny ankizy ka mahatonga azy hanaotao foana. Vahaolana aroson’ity psikology ity araka izany ny tokony hanatsarana hatrany ny fifandraisana eo amin’ny ankizy sy ny Ray aman-dReny na inona na inona olana mety sedraina sy ny hasarotan’ny fiainana.
Pati
Legende : Ny zazavavy kely no tena betsaka very eto amintsika !