BEMARIVO MAEVATANANA

ilay zazalahy kely manana 5 taona, mañana toe-tena varira nisy naka an-keriny ny alin’ny Alakamisy 20 Aogositra lasa teo. Araka ny vaovao nampitain’ny Filohan’ny Fikambanan’ny olona manana toe-tena varira eto Madagasikara Atoa Fulgence Soja dia omaly Alahady 23 Aogositra tokony ho tamin'ny 03 ora maraina no nahavotsotra ilay zaza teo am-pelatanan’ireo jiolahy. Vokatry ny ezaka sy fanarahan-dia nandritra ny andro maromaro nataon'ny Zandary sy ny fokonolona any Betsiboka no angady nananana sy vy nahitana izany. Etsy ankilany , mitohy ny fanarahan-dia hataon'ny fokonolona sy ny ampahan'ny Zandary mikaroka ireo mpaka an-keriny . Tsy mikely soroka tokoa ny Fitondram.panjakana amin'ny famongorana sy fikarohana izay mety ho tambajotra rehetra sy mpiray tsikombakomba amin'ny fampahoriana sy fakana an-keriny ireny zaza manana toe-tena varira ireny. Nahetsika hatramin'ny mpiambina manokan'ny Filoha mihitsy aza raha tsiahivina toy ny tany amin'ny faritra atsimon'ny Nosy iny nandrava sy nisambotra ireo tsy mataho-tody ka nahatratrarana jiolahy am-polony . Tsy hijanona mihitsy fa hitohy hatrany izany hetsika mahery vaika izany mandrapahafoana tanteraka ireny mpanao an-keriny varira ireny hoy ny Filohan'ny Fanavaozana ny kolonely Randrianirina Michael.
Pati
Légende : Avotry ny mpitandro ny filaminana ilay zaza varira !