Gogogogo -

indray ireo olona manana toe-tena varira, raha mba niaina kely taorian'ny fampidirana am-ponja ao Tsiafahy ireo voarohirohy tamin'ny fakana zaza varira tao Toliara herinandro vitsy lasa izay. Araka ny fampitam-baovao nataon'i Soja Fulgence, filohan'ny fikambanana Albinos Madagascar dia lehilahy varira, 45 taona, antsoina hoe : Evaholongo no nisy nanapa-doha tao amin'ny Fokontany Ankilimasy Amboragnabo Kaominina Gogogogo Distrika Ampanihy Andrefana tamin'ny farany herinandro lasa teo. Voaporofo araka izany fa tsy zaza varira ihany no kendren'ireo tsy matahotody fa ny olondehibe ihany koa. Etsy ankilany mbola tsy hita hatramin'izao ilay zaza varira 9 volana tao Betroka. Mahatsapa ny fikambanana, hoy i Soja Fulgence, fa misy ny fitanilana amin'ny fikarakarana ireo tranga fanampahan-doha izay niseo sesilanty tatoato. Mitaky arak'izany ny fikambanana Albinos Madagascar mba hampitovizana ny fanapahan-kevitra sy ny sazy tamin'ireo tranga nisy tao Marovoay sy Mampikony tahaka ny natao tany Toliara.
Jean D.