MPAMAKY FIARA MIANTSONA

Lehilahy iray mpamaky fiara miantsona amoron-dalana no tratra ambodiomby nangalatra tao anaty fiara teny amin’ny parking iray akaikin’ny “23” eny Ampasampito ny Alatsinainy 04 Mey teo tokony ho tamin’ny 03 ora folakandro. Nanararaotra ny tsy naha teo ny tompon’ny fiara izy ka nanokatra an-keriny izany mba hangalatra ny entana tao anatiny. Efa navoakany tao anatin'ilay fiara ireo entana ary nafeniny tao anaty tany teny ivelany. Nisy nahatsikaritra anefa izany ka nampilaza haingana ny Polisin’ny Fifamoivoizana niasa manodidina teny an-toerana izy ireo. Nentina avy hatrany tany amin’ny Kaomisaria CSP3 Antaninandro ny anaolahy nanaovana fanadihadiana mialohan'ny hanolorana azy eo anivon'ny Fampanoavana anio Alarobia 06 May. Tsiahivina fa ankoatra ny eny Ampasampito dia Faritra mamay ahitana mpamaky fiara tena hénjana ihany koa ny eny Ampefiloha sy Andavamamba. Fiaran'olona maro no efa lasibatra teny an-toerana.
Pati
Légende : Tsy maintsy hanohy ny fiainany any am-ponja ilay ranamana ity !