Antoko politika Matsilo

Faly manoloana ny fitsaharàn’ny fitondràna teo aloha ny antoko politika Matsilo, hoy ny filohany, Joseph Yoland. Maha lany fanahy ihany nefa, hoy izy, ny fanombohan’ny fitondràna vaovao. Mandray anjara amin’ny alalan’ireo solontenany amin’ny fikaonandoham-pirenena ny antoko amin’izao fotoana izao saingy manafatra hatrany ny amin’ny hitandremantsika tsy ho tratry ny velam-pandriky ny vahiny. Tsy miova ny vina atolotry ny antoko fa izay efa voarakitra anaty boky mitondra ny lohateny hoe «Madagascar, le changement» na Madagasikara ho an’ny fanovàna. Mahasahana ny sehatra rehetra, indrindra, ny toekarena sy harena an-kibon’ny tany iny, hoy hatrany ny Matsilo.
Nangonin’i J. Mirija