Politique

fa tokony hajaina kosa ny lalàmpanorenana. Alamino ny lalàm-pifidianana, hoy ny filohan’izy ireo, Andriatsizehena Urbain. Tokony ravana mihitsy ny governemanta! Tokony miova ny governemanta mitantana fifidianana. Miantso fivoriana tsy ara-potoana 12 andro eny amin’ny antenimieram-pirenena dia efa vita izany lalàm-pifidianana izany. Tokony hifandefitra ny mpitondra sy mpanohitra. Andininy vitsy ao anaty lalàm-pifidianana no tokony kitihina satria izay no mety hampiady. Fifidianana madio, mangarahara, eken’ny rehetra no tanjona. Tsy te handefitra ny fitondram-panjakana nefa tokony hifanaraka ny samy malagasy dia miravina ny olana fa tsy ilana fianakaviambe iraisampirenena. Lesoka be amin’ny fitantanana firenena io resaka zom-pirenen’ny filoham-pirenena io. Mpikamban’ny kaongresin’ny tetezamita tamin’ny fotoan’andro ny tena. Raha fantatray hoe nanao izany ny filohan’ny repoblika tamin’ny tetezamita dia nosakananay. Mikasika ny talen’ny kabinetran’ny fiadidiana ny repoblika moa dia miharihary izao fa isan’ny lesoka amin’ny fitondrana ity ny tsy firaharahiana mpanao politika. Olona mahafehy politika, afaka miresaka amin’ny antoko politika sy andrim-panjakana rehetra izany talen’ny kabinetra izany, hoy hatrany ny RPSD.
J. Mirija