Politique

mangarahara tanteraka ny fitantanany tao amin’ny Antenimiera fony izy kestiora ». Io no navalin’ny Solombavambahoaka Edizard, voafidy tao Vohémar, manoloana ireo fanasoketana an’i Siteny Randrianasoloniaiko. Ampatsiahiviko, hoy izy fa noho ny finiavan’ny mpitondra ankehitriny hanenjika an’i Siteny R. amin’ny fomba rehetra, dia efa in’efatra nampanantsoina teny amin’ny Bianco ny tenany nanomboka tamin’ny 2020. Namaly ny antso soa aman-tsara hatrany izy : io resaka fitantanana fony izy kestiora tao amin’ny Antenimiera io no nampiantsoana azy. Minoa ahy ianareo fa raha nisy hokianina ny fitantanany, na dia kely toy ny voatsinapy aza, dia tsy maintsy efa nisy fepetra nihatra taminy. Saingy nadio ny fitantanany ary mangarahara. Noho izany, tsy misy mitombina ireo dosie noforonin-dry zareo mpitondra, nitarika ny fihainoana azy, hoy ny depiote Edizard. Ny tahotra an’i Siteny R. hatrany no mampiteniteny fahatany ny Solombavambahoaka IRD misolelaka hoy ity olom-boafidy tao Vohémar ity. Nanamarika izy fa nandritra ny naha-kestiora an’i Siteny R. dia tsy nisy fahatarana - tahaka ny ankehitriny - ny fandraisam-bolan’ny mpiasan’ny Antenimiera ; tsy nisy olana - tahaka ny ankehitriny - ny famatsiana ny solika enti-miasa. Ankehitriny anefa dia mikatso sy misy fahatarany daholo ny zava-drehetra. Tsara ny ahafantaran’ny rehetra fa hatramin’izao faramparan’ny volana izao, dia mbola tsy nahavoaray ny anjara solika hiasana tamin’ity volana aprily ity ny mpiasan’ny Antenimiera sy ny Solombavambahoaka, hoy ny depiote Edizard. Asaivo mandiso izany ireo IRD mpisolelaka raha sahy. Tsy mbola nisy izany tamin’ny fitantanan’i Siteny fony izy mbola kestiora. Efa solombavambahoaka teo aloha ny tenako, ka afaka mijoro vavolombelona amin’izany.