airtel

Politique

17-avril-2024

Fitondrana tsy mahavaha olana

« Fa ny fampiesonana vahoaka no lehibe indrindra »

Sample post image

Hanao rodorodo any Toamasina hiatrika ny filankevitry ny minisitra mitety faritra anio

17-avril-2024

alarobia ny fiadidiana ny repoblika tarihin’ny Filoham-pirenena sy ny governemanta tarihin’ny praiminisitra. Mifanandry amin’ilay 100 andro voalohany nitantanana izany. Rehefa jerena moa ireo horonantsary famintinana ny asa isaky ny minisitera dia tahaka ireny hoe mety dia ety ireny,vita ny asa, tratra ny tanjona, nilamina ny zava-drehetra, voahaja ny toromarika.Tsara tantana ny firenena, voafehy ny fandriampahalemana, tsy misy misavorovoro sy mikorontana. Rehefa miverina mijery ny tena zava-misy marina anefa dia sahirana ara-pivelomana ny 90% n’ny Malagasy 30 tapitrisa. Ny tsy an’asa na manao asa an-tselika etsy sy eroa tena hoe mitrongy vao homana.Ny manana anton’asa, vao misasaka ny volana dia ritra ny karama ka sasatry ny midi-trosa. Maro ny herisetra any anaty fiarahamonina, fanendahana, fandratrana, fifampikasihan-tanana. Ady vehivavy no mahatonga tovolahy 2 hifamango ary dia voafira famaky teo amin’ny lohany avy hatrany iray.Marary ny fiarahamonina. Tsy hita izay vahaolana mahomby hitsaboana azy. Etsy ankilan’izay , kianja Barea nolazaina fa nandaniana vola be 77 tapitrisa dolarana 331 miliara ariary mahery, hay tsy manarapenitra akory, tsy lany match, tsy mahafeno fepetra handray lalao iraisam-pirenena, voatery hindrana kianja any a mina firenen-kafa ny Barea. Fahafaham-baraka tsy misy mihoatra an’izany intsony. Ilay hoe autoroute , Antananarivo Toamasina tena tsy hita popoka, ny fitakiana ny iles eparses moa tahaka ny efa hoe anganon’i Trimobe sy Farakely sisa. Ilay hifantoka bebe kokoa amin’ny sosialim-bahoaka, toa nandalo dia niserana. Fehiny miha mitombina hatrany ilay resaky ny olona hoe fitondrana werawera io, maika amin’ny seho ivelany, zavatra tsy misy fototra mazava no iaingana, tsy mahalala izay tena marary ny vahoaka. Ny resaka fitantanana moa efa samy mahita na ny eto an-toerana na ny any ivelany fa tena tsy izy, mampiahiahy, tsy hay mihitsy ny mametraka ny tena laharampahamehana. Tondro vitsivitsy hanaporofoana ny fisian’ny fahantrana lalina eto ny fitomboan’ireo mpivarotra amoron-dalana, ny olona mivaro-pananana, ny mpisoloky, ny mpangataka etsy sy eroa..io anefa dia mampitombo ny kolikoly ary mandoto sy manakorontana ny endriky ny tanana. Vahaolana mba hita andao hanao teleferika. Tena mampiesona vahoaka.
RTT
 

Dans la même rubrique

19-juin-2024

Efa betsaka ireo voalazan’ny namana rehetra niatrika ny fifidianana,

Card image cap
19-juin-2024

Tsy misy vokatra azo andrandraina loatra amin’ny fitsaràna avo momba ny lalàmpanorenana na HCC,

Card image cap
19-juin-2024

Mangataka ny fametraham-pialan’ny fialan’Atoa Andry Rajoelina tsy Filoham-pirenena Andry Rajoelina,

Card image cap
18-juin-2024

Naharesy ny fitondrana dia mampitandrina amin’izay hoe tena nisy demokrasia teto,

Card image cap
18-juin-2024

Mifanindry tanteraka amin’ny fankalazantsika ny fetin’ny fahaleovantena ny iray volan’ny teny malagasy,

Card image cap
18-juin-2024

Fomban’ny mpanao politika ny manakarama olona hampiaka-peo hoe izahay no tompon’ny fahamarinana,

Card image cap