Raharaha Ravatomanga

handinika indray ny fahafahan'ilay mpandraharaha malagasy, Mamy Ravatomanaga, vonjimaika anio ny BRC na "Bail and Remind Court" ao Maorisy, izay firenena ifonjàn'ity mpandraharaha ity hatreto. Raha manaiky arak'izany ny BRC dia afaka mivoaka ny fonja izy mandra-pahatongan'ny fotoam-pitsaràna ny raharaha saingy mila manaraka ireo fepetra ao anatin'izany. Tsy hiatrika ny fitsaràna mivantana izy ho an'izay anio izay fa handray anjara amin'ny alalan'ny "visio-conférence" na ny fitsaràna ampitain-davitra, raha ny fampitam-baovao voaray hatrany. Hatreto ihany koa aloha izany dia ny fanjakàna maorisianina sy ny vahoaka maorisianina no misitraka ny fampiasàna ny heverina fa harena azo tamin'ny fomba tsy mazava na "Biens illicites" nogiazana tamin'ity mpandraharaha ity. Ny fanjakàna malagasy kosa, raha ny fampitam-baovao voaray farany aloha, dia tsy namoaka afa-tsy didy fampisamborana iraisampirenena hatreto. Isan'ny adihevitra mipetraka ny hoe angaha moa tsy mbola voamarina hoe meloka izany ity mpandraharaha ity no tsy navoakan'ny fanjakàna malagasy ny didy fanamelohana azy? Tsy afaka mitory ny fanjakàna malagasy noho io fepetra noraisiny tamin'ny orinasa Sodiat io ve izany, ohatra, ny fianakavian'ity mpandraharaha ity noho izay antony izay? Andrasana, araka izany, ny didy fanamelohan'ny fanjakàna malagasy ity mpandraharaha ity.
J. Mirija