Nandao ny vovonana Komity Fanarenana Ifotony an'i Madagasikara na KFIM ny antoko Antoko Repoblikana Nasiônalista (ARN) tarihin'i Dr. Hasina Raveloson. Ity farany izay nametra-pialana tsy ho filoha lefitry ny KFIM Faritany Antananarivo ihany koa. Nanao fanambarana manamafy io fisintahana io ny birao nasionalin'ny KFIM tamin'ny alalan'ny filohany Elia Rabevahiny. "Tsy fitovian-kevitra momba ny fizotran'ny raharaham-pirenena", no nambaran'i Dr Hasina Raveloson ho anton'izao fametraham-pialany sy ny fisintahan'ny antoko ARN izao. Nilaza koa ity Mpahay tantara, sady mpikaroka eo amin'ny sehatry ny fampianarana ambony, no mpandinika ny raharaha politika malagasy ity fa "mitazona toerana eo afovoany (Centriste) ny ARN tarihiny, satria heveriny fa nanomboka ny 17 Oktobra 2025 dia ny Fanavaozana sy ny "Orange" no andry roa lehibe mandrafitra ny tontolo politika eto Madagasikara".
Jean D.
Dr Hasina Raveloson, filohan'ny antoko ARN
.jpg)
.jpg)
