tia tanindrazana

Parution du Mercredi, 10 Août 2022

airtel

Sosialy

Delestazin’ny Jirama Hay azo fehezina rehefa mandrahona ny Filoha ?

Tsapa sy tsikaritra ho tsy nisy loatra na somary nalefaka ny fahatapahan-jiro teto Antananarivo sy ny manodidina ny faran’ny herinandro teo.

20-juin-2022

Sample post image

Tsy dia nisy fahatapahana loatra ary samy nanaiky izany ny ankamaroan’ny olona. Midika aloha izany fa azo atao tsara ihany ny mandefa ny herinaratra manerana ny tanàna rehefa misy ny tsindry na antony hafa. Noho ny teny miendrika fampitandremana nataon’ny Filoha tany Ambovombe ny zoma teo nilaza fa rehefa tsy handray andraikitra ny minisitry ny angovo sy ny Tale Jeneralin’ny Jirama dia izy no handray andraikitra ve? Nisy ihany koa ny grevy nataon’ny vahoaka teny 67ha noho ny fahatezerana ary niverina avy hatrany ny jiro ny alakamisy teo. Fa ny tena lehibe dia ny rindra-kira sy antsam-piderana teny Mahamasina natrehin’ny Filoham-pirenena sy ireo mpitantana ambony isan-tsokajiny. Azo alefa tsara tsy misy fahatapahana ihany izany ny jiro, ary toa ampy ihany ny famokarana rehefa misy zavatra na hetsika goavana ahitana ny mpitondra ambony. Mety miezaka misoroka ny mety ho hetsika sy fipoahana amin’izao herinandro tsy hahatongavan’ny 26 jona izao. Hoentina amin’ny politikan’ny famonoana afo sa mba hisy vahaolana maharitra amin’izay? Rahoviana vao hilamina tanteraka fa tsy hoe rehefa misy zavatra ataon’ny fitondram-panjakana vao mba tsy misy loatra ny fahatapahana? Nisy ny teny nataon’ny Filoha tany Ambovombe fa raha tsy tany ve izany izy dia havela ho maizina ny vahoaka? Ny tany an-toerana izay voalaza teo aloha fa tsy maintsy hotapahana 5 andro ny jiro noho tsy fisian’ny solika. Ny filoha no nahita ny zava-misy, ka dia nisy iny fampitandremana iny. Ho tahaka izany ihany koa ve ny any amin’ny faritra maro sa miandry Filoha ho avy any ihany koa vao hivaha? Raha ny nambaran’ny tompon’andraikitra iray an’ny Jirama omaly tamin’ny fandaharan’ny fahitalavitra iray moa, dia hihena tsikelikely io delestazy io amin’ny herinandro. Anio ny mpiara-miombon’antoka iray dia hampiditra 9MW fanampiny. Ho avy ihany koa ny 20 hatramin’ny 30MW an’ny any Andekaleka. Efa akaiky ihany koa ny 20MW avy amin’ny herin’ny masoandro ao Ambatolampy,… Hanao ahoana ihany koa no hiafaran’ity fifanenjanana ara-tsolika eo amin’ny Jirama sy ny mpaninjara solika ity ?

Toky R

 

Dans la même rubrique

Card image cap
Mpiasan’ny Kraomita 26 volana tsy nandray karama
10-août-2022

Nanapa-kevitra ny hanangona ireo vy manodidina ny toerana misy ny orinasa ireo mpiasa any amin’ny Orinasa Kraoma any Brieville,

Card image cap
TANTSAHA MPAMOKATRA Lasa olana goavana ny halafosan’ny zezika
10-août-2022

Tsy ireo kojakoja ilaina amin’ny fiainana andavanandro ihany no miaka-bidy eny an-tsena amin’izao. Ho an’ireo tantsaha mpamokatra ihany koa mantsy dia midangana izaitsizy ny vidin’ny zezika,

Card image cap
Ambasadaoro Amerikanina Miady amin’ny tsy fanjarian-tsakafo any Atsimo
10-août-2022

Sambany nitsidika ny faritra atsimon'i Madagasikara izay tratry ny haintany ny Ambasadaoro Amerikana Pierangelo. Nanamafy ny fanohanan’i Etazonia ny fampihenana ny tsy fanjarian-tsakafo sy ny fanamafisana ny fahaiza-miatrika

Card image cap
Tantsaha ao Fiombonana Novatsian'ny Depiote Ratsimbazafy Alain masomboly
10-août-2022

Miomana amin’ny taom-pambolena manaraka ny tantsaha ao amin’ny Kaominina Fiombonana Distrika Antananarivo Atsimondrano.

Card image cap
Noho ny fandalovan-dRavalo Mody nizarana vary ny mpiasan'ny SECREN
09-août-2022

Nahazo vary avy tamin'ny fitondram-panjakana tarihin'ny filoham-pirenena Andry Rajoelina ny Mpiasan'ny SECREN ((Société d’Etudes, de Construction et de Réparation Navales)

Voir plus