Fanadiovana tatatra

Hanadinoina ny mahaolona manontolo mihitsy, izay no azo ilazana ny fomba tsy maintsy anadiovana ny tatatra tsentsina eto Antananarivo amin'izao fotoana izao, raha ny fanetsehan'ny fiadidiana ny Kaominin'Antananarivo renivohitra ireo vondron'olona ampanaoviny izany hatramin'ny omaly. Tsentsina tanteraka ireo lalan-drano rehefa fahavaratra toy izao eto Antananarivo renivohitra. Mifangaro ao anatin'io tatatra io avokoa ny fako sy maloton'ny mponina. Isan'ny fanazavana voaray moa ny hoe tsy ampy ny toerana ahafahan'ireo mponina eto Antananarivo manary izay karazana fako sy malotony izay, hany ka alaim-panahy izy hanarinary izany eny rehetra eny, na dia anatin'ireo tatatra tokony hifatraran'ireo ranon'orana aza mba tsy haha tondraka ny tanana toy ny fahita hatramin'izao aloha, raha ireo angom-baovao voaray hatrany.
Nangonin'i J. Mirija