Nambaran’ny fampahalalam-baovao, fa nentina tamina toeram-pitsaboana iray teto an-dRenivohitra izy io, saingy tsy nety nandray ny hopitaly. Voatery nentina niverina ho an’ny am-ponja saingy tapitra teny an-dàlana ny ainy. Ankoatra izay, vehivavy iray voafonja ao Antanimora hatrany ihany koa no voalaza miady amin’ny fahafatesana, sempotra vokatry ny valanaretina covid-19. Miparitaka ao am-ponja ny valanaretina, ary ahiana hamely ny ankamaroan’ireo gadra. Mangataka ny hijerena azy ireo, indrindra fa ny lafiny maha olona ireo gadra. Tsy tao Antanimora ihany, fa tamin’ny herinandro tahaka izao, dia efa nisy gadra miisa voan’ny covid-19 ihany koa tany amin’ny Fonjan’I Marofotra any Mahajanga. Noho io tranga io no nanehoan’ny Minisitry ny Fitsarana Atoa Johnny Richard Andriamahefarivo ny herinandro teo, fa atokana toerana aloha ireo gadra vaovao, ary rehefa voamarina fa tsy voa, vao halefa hitambatra amin’ny besinimaro. Miparitaka na aiza na aiza ny valanaretina coronavirus amin’izao, ary hatrany am-ponja aza efa misy, ka entanina ho mailo hatrany ny tsirairay. Maneho ihany koa ity toe-javatra nandavana ny tsy handraisana io voafonja iray niteraka tamin’ny fahafatesany io, fa sarotra ny fidirana hopitaly, mety hivezivezy vao tafiditra, ny aretina anefa miombo, ka mety hamoy ny ainy eny an-dàlana ny marary.
Toky R
Raikitra indray ny hetsika fanairana teny Ankatso II omaly noho ny krizin-drano mahazo ireo mpianatra monina eny an-toerana.
Mbola eto Madagasikara manatanteraka ny asany ny Talem-paritry ny UNICEF aty amin’ny faritr’i Afrika Atsinanana
Efa tena nandefitra ny mponina tety, hoy ny renim-pianakaviana iray eny Amboditsiry,
Fahafahan’ny taova manodina ny sakafo hitondra hery sy singa ho an’ny vatana no atao hoe
