Tsy idirana lalina intsony aloha eto hoe manao ahoana ny fipetrak’ilay ady? Hanohy ny “mody mitapy” efa nataony hatrany am-boalohany ka tsy hanao afa-tsy fanohanana ara-pitaovana toy ny famatsiana fitaovam-piadiana sy fanagiazana ara-toekarena ve ny tandrefana amin’ny alalan’ity OTAN ity sy ny vondrona eoropeanina sy ireo firenen-kafa milaza ho manameloka an’I Rosia ary manohana an’I Okrainina sa sanatrian’izany tena hamatsy ara-kolona na tafika ihany koa? Tsy any loatra angamba aloha no tokony ipetrahan’ny olana eto amintsika amin’izao fotoana izao fa ny hoe raha ny tombana mikasika ny tahirin-tsolika eny amin’ireo tobin-tsolika eto amintsika izany izao dia maharitra 3 volana eo ny tahirin-tsolika eto Madagasikara. Tsy hitahita dia ho tonga izany 3 volana izany saingy etsy ankilany koa na eo aza io resaka tahiry io dia tsy azo ferana koa ny ho fisian’ireo mpanangon-tsolika mialoha na ilay antsoina mahazatra hoe mpanao “speculation”. Mampanahy fatratra, raha izay izany no fandehany, ny mety tsy hahatodiana amin’izay 3 volana izay akory dia efa mety ahitana fiakaran’ny vidin’io solika io. Hatreto anefa mbola tsy hita mazava hoe inona no fepetra raisin’ny fitondram-panjakana Malagasy hisorohana izany? Hampihatra ny atao hoe vidiny tena izy na “vérité des prix” ve sa hameno ny banga mba tsy hihetsehan’io vidiny amin’izao fotoana izao io? Andrasana ny fepetra. Andrasana hatramin’izao!
J. Mirija
Raikitra indray ny hetsika fanairana teny Ankatso II omaly noho ny krizin-drano mahazo ireo mpianatra monina eny an-toerana.
Mbola eto Madagasikara manatanteraka ny asany ny Talem-paritry ny UNICEF aty amin’ny faritr’i Afrika Atsinanana
Efa tena nandefitra ny mponina tety, hoy ny renim-pianakaviana iray eny Amboditsiry,
Fahafahan’ny taova manodina ny sakafo hitondra hery sy singa ho an’ny vatana no atao hoe