Depiote Todisoa Andriamampandry

Antanimena ny Depiote Todisoa Andriamampandry ny faran’ny herinandro teo. Izy ireo izay manomana ny hiakarana amin’ny TOP 16, ka manana solontena amin’izany ny Boriborintany faha-6 eto Antananarivo amin’ny alalan’ny Club ASA Ambohimanarina. Io klioba io no hiaro ny voninahitr’ity boriborintany ity, ka nankahery ireo mpilalao voafantina amin’izany io olom-boafidy sady mpiahy ny taranja rugby sy ny fanatanjahantena samihafa ity. “Ny olana ho an’ny rugby, na football, na basketball, dia ny tsy fahampian’ny fitaovana. Miezaka hatrany manampy araka izay tratra”, hoy ny depiote Todisoa Andriamampandry. Nomarihiny fa mitohy ihany koa ny “Tournoi AMBOMA CHAMPION’S TODISOA RUGBY” ary hanolorana omby mifahy sy “maillots” ary fitaovana ny tenany ao anatin’izany. Manohana hatrany ny fanatanjahantena mba ho fampivelarana ny tanora ka tsy haharoboka azy ireo any amin’ny zava-dratsy toy ny fidorohana zava-mahadomelina moa ny depiote Todisoa Andriamampandry, ankoatra ireo asa sosialy samihafa ataony mba hampivoarana ny sosialim-bahoaka, izay mifanindran-dàlana amin’ny asa maha olom-boafidy mpanao lalàna azy.
Toky R