Mbola nahitana an'i Tendry, ilay nahazoana ny laharana fahatelo Tany Alzeria, nampiditra ny baolina faharoa tetsy amin'ny kianja Elgeco Plus ny sabotsy teo. Io andro io ihany saingy tetsy Ambohidratrimo no nitazonan'ny Tia Kitra an'ny Ajesaia tamin'ny isa 2 noho 2. Izany isa izany ihany koa no nisarahan'ny Zanakala sy ny CFFA tany Ampasambazaha. I Fabrice no namono ny baolina roa matin'ny Zanakala raha Santatra sy Bonnard kosa ny an'Andoharanofotsy. Fa ny baolina tena niady sy nahavalalanina dia ny fihaonan'ny USCAFOOT sy ny Fosa Juniors. Tena sahirana ry zareo Mahajanga na dia niezaka nanova aza i Franck Rajaonarisamba mpanazatra. Ary rehefa tsy nahafaty ry Tsiny sy Jean Yves dia i Lalane no nampi-tena nahazoan'ny Fosa ny isa tokana. Voatazon'ny Mama ihany koa tao antikotaniny n'y Elgeco Plus ( 1 noho 1) raha nandresy an'ny Dato 3 noho 2 tao Manakara ny 3FB Toliara. Isa tolana kodak no nandresen'ny COSFA an'ny Fanalamanga. Tsaramandroso Formation kosa teny Mahitsy dia nandresy 4 noho 3 ny ASA Nosy be.
Clément RABARY
Fanapahan-kevitra maromaro no noraisina sy nankatoavin'ny ny Filan-kevitry ny Minisitra omaly ho an’ny lafiny fanatanjahantena.
Vahiny mangan'ny ligin'ny baolina kitra ny Diana i Arsène Malabary.
Banga iray indray ny lomano malagasy. Norimandry omaly ny Kolonely Jaovanona