airtel

Sport

30-août-2023

Voka-dalaon’ny Lalaon’ny Nosy

Mitarika ny Malagasy, manao be fiavy ny Maorisianina

Sample post image

Niditra tamin’ny andro fahaefatra omaly ny lalaon’ny Nosy tanterahana eto Madagasikara. Mbola mitazona ny laharana voalohany

30-août-2023

vonjimaika hatrany aloha I Madagasikara amin’ny alalan’ny medaly volamena 66, raha toa ka 33 ny volafotsy, ary 37 kosa ny alimo, izay manome 136 ny isan’ny medaly rehetra. Mihazakazaka mafy kosa anefa ny Maorisianina ka tafakatra laharana faharoa vonjimaika, nampiakatra avo roa heny ny isan’ny medaly volamena azony satria tafakatra 50 ny azy amin’izao, raha antsasak’izay tamin’ny andro fahatelo, ary 11 tamin’ny andro faharoa. Manatombo amin’ny isan’ny medaly izy izay efa manana 145 (50 volamena, 49 volafotsy, 46 alimo). Tany amin’ny fibatana fonjam-by sokajin-danja ambony, atletisma, ady totohondry, lomano,… no isan’ny nandraofany medaly. Eo amin’ny laharana fahatelo kosa I La Réunion izay manana medaly 129 (48 volamena, 43 volafotsy, 17 alimo). Fahaefatra I Seychelles manana medaly 54 (8 volamena, 29 volafotsy, 17 alimo), fahadimy I Maldives manana medaly 18 (3 volamena, 6 volafotsy, 9alimo), fahaenina I Mayotte manana medaly 19 (1 volamena, 7 volafotsy, 11 alimo), ary fahafito I Comores manana 13 (1 volamena, 4 volafotsy, 8 alimo). Samy efa nahazo medaly volamena izay tena mamaritra ny filaharana noho izany ireo Nosy rehetra mandray anjara.
Nangonin’I Toky R
 

Dans la même rubrique

24-juin-2024

Manoloana ny savorovoro mikasika ny fampandraisana anjara ireo atleta malagasy hiatrika ny lalao

Card image cap
24-juin-2024

Maro loatra ny ekipa mitsoaka an-daharana tato ho ato, raha ny mikasika ny taranja Basketball N1A,

Card image cap
24-juin-2024

Tsy dia nisy fahagagana ny valin'ny lalao manasa-dalana miverina teo amin'ny PFL fa toa ny lehibe ihany no lehibe.

Card image cap