Firenena mikambana (ONU) ho avy eto Madagasikara ny 16 aprily hatramin’ny 27 aprily 2023 ho avy izao, raha tsy misy ny fiovana. Mifandraika amin’ny andininy faha-11 sy faha-12 amin’ny fifanarahana iraisam-pirenena momba ny ady amin’ny fampijaliana mahazo ny olona tazonina am-ponja no anton-dian’izy ireo eto Madagasikara. Ny taona 2017 moa isika no nanasonia an’izany. Hisy ny fihaonana ara-teknika sy ara-politika hiaharahan’ireo iraka amin’ireo tompon’andraikitra ara-panjakana sy ara-pitsarana, ary ny fitsidihana ireo fonja sy toerana hitazonana olona hanaovana fanadihadiana araka ny lalàna, eny anivon’ny polisim-pirenena sy ny zandarimariam-pirenena. Hisy ihany koa ny fifanakalozan-kevitra amin’ireo solonntenan’ny governemanta ahafahana mametraka lamina hanetsehana ny paikady nasionaly hisorohana ny fampijaliana sy ny herisetra izay takiana any amin’ireo firenena rehetra nanasonia ilay fifanarahana iraisam-pirenena tamin’ny taona 2017. Tsara ny manamarika, fa manodidina ny 30 000 ankehitriny ny isan'ny voafonja manerana ny Nosy raha toa ka 11 000 no tokony ho zakan’ireo fonja misy eto. Raha ny fanadihadiana efa nataon’ny Humanité & inclusion, dia ny 64% amin’ny olona tazonina am-ponja nohadihadiany no namoaka fa tena faran’izay ratsy ny fepetra iainana amin’ny fitazonana am-ponja eto amintsika.
Toky R
Ahiana hisy rivo-doza hiforona hanakaiky an’i Madagasikara ato ho ato.
Nankatoavin'ny ny Filan-kevitry ny Minisitra omaly 24 aprily 2024 ny hanaovana lavanty
Vehivavy kely iray vao 29 taona antsoina hoe : Bezafy Armella omaly Alarobia 24 Aprily no fantatra fa maty
20 tapitrisa Ar be izao no saran’ny fampodiana ny vatana mangatsiakan’i Rasoarimalala Antoline,
Nampiana ny isan’ny polisy monisipaly sy ny mpamonjy voina hiasa eto Antananarivo renivohitra.
Anisan’ireo tazana tetsy Besarety tao anatin’ilay atrikasa nataon’ireo mpahay lalàna,