ADY TANY ETSY AMPEFILOHA

amin’ilay tany 2 ara etsy Ampefiloha ambadiky ny CNAPS. Tena tsy nisangy tokoa mantsy ilay vadintany nanome 48 ora azy ireo nanomboka ny Sabotsy teo fa namoaka ny entany rehetra teny ivelany omaly Alatsinainy 15 Aprily no sady namefy ny tananany ihany koa. Raha araka ny vaovao azon’izy ireo dia toa hoe : resy teny anivon’ny tribonaly izy ireo rehefa niady nanomboka tamin’ny taona 2003. Tanim-panjakana io tany 2 ara misy ny tranon’izy ireo io raha tsiahivina ary efa nangatahiny. 50 taona ny nanajariana izany toerana izany izy ireo. Nanomboka tamin’io taona 2003 io anefa dia nisy olona nilaza ho tena tompon’ny tany ary manana taratasy ara-dalana. Raha araka ny filazan’ny mponina dia olona eo akaikiny ihany io milaza ho tompon’ny tany ankehitriny io. Very fanahy mbola velona izy ireo vokatr’izany. Hatramin’io omaly Alatsinainy io mantsy dia voatery nitady izay toerana handrian’ny lohany aloha izy ireo mandrapisian’ny vahaolana maharitra. Miantso ny Fitondram-panjakana mba hijery akaiky izao ady sarotra lalovany izao ireo mponina. Nilaza moa ireo farany fa niezaka ny nanohitra ihany saingy tsy afa-nanoatra noho ny fisian’ny gros bras na be sandry tonga teny an-toerana.
Pati Legende : Tahaka izao ilay tanana nofefena !