Actualités

izay raha tsiahivina dia fanampiana avy amin’ny fanjakana natao ho an’ireo tokantrano marefo ara-pivelomana. Misy hatrany mantsy ny kiantrano an-trano hataon’ny Fokontany ka izay olona fantampantatrry ny ao amin’ny fokontany ihany no misitraka ilay fanampiana. Vola mitentina 6 alina ariary ka hatramin’ny 1 hetsy ariary no sitrahana ao anatin’ilay tosika fameno. Isam-bolana izany ho an’ireo tokantrano marefo ara-pivelomana. Raha ny fanazavan’ireo mponina hatrany dia efa nanomboka tamin’ny volana febroary teo no nisy olana ny fizarana izany ka maro ireo tsy nahazo intsony. Tsy matoky ny solontenam-panjakana eny ifotony ny mponina koa miantso ny filoham-pirenena mihitsy mba hidina isan-tokantrano hizara ity tosika fameno sy ny vatsy tsinjo ity. Nilaza kosa tetsy ankilan’izay ny sefo fokontany eny ambodihady ambohimaraina fa ireo izay nisoratra anarana tany am-boalohany sy ireo izay voasivana fa tena marefo ara-pivelomana ihany ka mendrika izany fanampiana izany no misitraka io fanampiana io. Ny FID izay tompon’ny tetikasa no manao ny sivana fa tsy ny fokontany hoy hatrany ny fanazavany. Ankoatra io tosika fameno omen’ny FID io anefa dia misy ihany koa ireo fikambanana samihafa mizara fanampiana izay tsy andraikitry ny fokontany ihany koa ny manao sivana ireo olona histraka fa ilay fikambana ihany raha ny fanazavan’ny sefo fokontany Ambodihady Ambohimarina Atoa Ravelonarivo harimanana no manao azy.
Pati