Actualités

Raha tsiahivina dia naharay fanairana sy antso vonjy maro ny InfoCom Seg nandritra ity herinandro ity mahakasika io tranga io ka nitatitra izany teo anivon'ny Fibaikoana ny Zandarimaria izay nanetsika haingana ny mpikaroka fandikan-dalàna ifotony. Mpanampy nalainy anatitra ny zanany mianatra ity zazavavy kely tsy manan-tsiny lasibatra ity. Heloka maro sosona araka izany no hanenjehana ilay nahavanon-doza sy izay niray nitsikombakomba taminy. Anisan’ireny ny fampiasana zaza tsy ampy taona. Eo koa ny fanodikodinana zaza tsy ampy taona, ny fanolanana ara-nofo, ny herisetra ara-tsaina. Tsy latsa-danja amin’izany ny heloka bevava feno habibiana mihatra amin'ny maha-olombelona, herisetra mifantoka amin'ny mahavavy sy maha lahy (VBG), ny fanabeazana ratsy manoloana ny zanaka nateraka, tsy fanambarana fisiana heloka bevava miseho...Niaiky ny heloka vitany ilay lehilahy ary nentina nozahan'ny mpitsabo manokana ilay zazavavy izay hita fa feno ratra avokoa ny vatany.
Nangonin’i Pati
Legende : Ity ilay rangahy nahavanon-doza