Actualités

omaly Alatsinainy 22 may atoandro . Raha araka ny fantatra dia fipoahana mafy tamina kamiao citerne iray no nanaitra ny rehetra tokony ho tamin'ny 12 ora sy 10 minitra atoandro. Nijoalajoala vokatr’izany ny afo avy eo ary nihitatra tamin'ireo kamiao citerne sy remorque hafa. Tafakatra 12 isa ireo fiara may kila forehitra noho izany. Mitohy ny fanadihadiana hataon’ny mpitandro ny filaminana. Mbola niredareda rahateo ny afo omaly hariva hatramin’ny 6 ora mahery 12 minitra. Na izany aza miezaka ny mifanotrona sy mifanome tanana ny mpamonjy voina. Nanao ny asany ihany koa ireo mpitandro filaminana mitambatra. Marihina moa fa ankoatra ireo fiara ireo dia trano fanitso efitra roa ihany koa no may kila . Rava tanteraka ny entana rehetra tao anatiny noho izany raha tsy nisy tao an-trano ny tompon-trano. Trano mifanila vodirindrina tamin'ilay garazy nisy fipoahana moa ireo lasibatra ireo.
Nangonin’i Pati
Legende : Afo nahatsiravina tahaka izao no nandravarava ireo fiara 12 isa sy ilay trano iray