ANTOKO FANOROLAHY

tarihin’ny filoha nasionaly Randrianary Jose. Zana-kazo maro samihafa nahatratra 400 fototra no novolen’izy ireo teny amin’ny sisin-dalana Tsarasaotra, distrikan’Ambohidratrimo ny faran’ny herinandro teo. Raha araka ny fanazavan’ny filohan’ny nasionalin’ny antoko Fanorolahy dia anisan’ny ady hiarahan’ireo manam-panahy rehetra manana ny fiarovana ny tontolo iainana hahafahana miady amin’ny fiovaovan’ny toetr’andro. Tena misy fiantraikany ratsy eo amin’ny fiainantsika zanak’olombelona tokoa mantsy hoy izy io fiovaovan’ny toetr’andro io raha tsy hiresaka afa-tsy ny lafiny ara-pahasalamana isika. Izany indrindra no nanosika anay hanao hetsika tahaka izao hoy hatrany izy. Ankoatra izay moa dia notsindriany manokana ihany koa fa afaka hamboly malalaka ireo tantsaha mpamokatra rehefa milamina ny toetr’andro, izay tafiditra ao anatin’ny asa hilofosan’izy ireo ankehitriny. Fanomezana fiofanana arahina fizarana masomboly sy zezika no tanterahin’ny antoko ao anatin’izany ao anatin’ilay teny filamatra hoe : hamboly isika ka hahavokatra hahafahana mandresy ny fahantrana. Pati
Legende : Nanome maodely tsara ireo mpikatroka tahaka izao Randrianary Jose, filoha nasionalin’ny antoko Fanorolahy !