Asa fanaovan-gazety

Nodimandry omaly ny namana Mpanao gazety Annick Raherimanana, izay ny Radio Antsiva anatin’ny Vondrona Prey no tena nahafantarana azy. Isan’ireo mpanao gazety sangany teto Madagasikara, indrindra fa teo amin’ny lafiny famakafakana. Ny fandaharana " FANDALINANA" tao amin’ny Antsiva no isan’ny tena nandrenesana ny feony matetika, niaraka tamin’ireo mpanao gazety mpanao famakafakana Michel Ralibera sy Ismael Razafinarivo. Isan’ny namoaka fampahantarana sy naneho fiaraha-miory amin’ny fianankaviany ny Fiadidian’ny Repoblika tamin’ny alalan’ny Fitaleavana ara-tserasera. Maneho fiaraha-miory sy firariana fiononana feno ho an’ny orinasan-gazety izay banga azy sy ny fianankaviany manontolo isika eto amin’ny Tia Tanindrazana.
Toky R