Bezoma Raherison Loyolain

na ambiasim-pifidianana eto Madagasikara, hoy ny kandida ho ben’ny tanàna atolotry ny antoko politika Arema mitondra ny laharana faha 3 na «numéro 3» ao Ambavahaditokana, Bezoma Raherison Loyolain, satria io izany izao hitantsika anio (TTF: omaly alatsinainy) ny CED namory sy nanome toromarika dia vao izao izany ny ankabeazan’ny kandida vao naheno nefa ny kandidam-panjakàna manana tombony foana amin’izay rehetra atao. Eo koa, hoy izy, ny resaka fanararaotam-pahefana. Misy ben’ny tanàna teo aloha efa lasa kandidà izao nefa mbola mampiasa fitaovam-panjakàna hanatanterahana fidinana ifotony. Matoa nefa moa nilatsaka dia efa vonona hiatrika ny zava-misy. Hanomboka ny propagandy nefa andro voalohan’ny propagandy mbola voatazona aty amin’ny distrika aty amin’ity resaka fangatahana alalana ity dia eo mahita azy. Tsy maintsy hisy akony amin’izao propagandy izao koa ny krizy ara-drano sy herinaratra satria izany izao dia hoe olona miisa 7 nahazo sazy miantona 6 volana am-ponja, noho izay antony izay, fa ny olana nefa dia sahirana ny vahoaka. Maneho ny zony izy. Lasa tsy mipetraka ny hoe mpitandro filaminana mpiaro ny vahoaka. Hiaro ny vahoaka no anto-pisiany nefa izy izao lasa mpanery vahoaka. Andeha ny propagandy dia tsy maintsy ho voaresaka ny fahatapahan-jiro sy rano dia ahoana ary? Solontenam-bahoaka izany ben’ny tanàna izany. Tsy maintsy hitady vahaolana mikasika an’io olan’ny herinaratra sy rano io. Tsy maintsy hiteny an’io izany izahay ary hangataka amin’ny fitondram-panjakàna mba hijery vahaolana maharitra fa tsy am-potopotony tahaka an’io ataon-drizareo io. Ohatran’izay koa ny resaka herinaratra hoe ho alefa. Rehefa tsy mitokona ilay vahoaka dia tapahina indray ilay izy. Avelao haneho hevitra malalaka ny vahoaka! Raha te hamoritra ny mpitandro filaminana dia ny JIRAMA no tokony ataony an’izany! Ny JIRAMA no tokony terena hoe alefao ny jiro fa mijaly ny vahoaka fa tsy ny vahoaka indray no poretina. Ny JIRAMA no tokony poretina fa tsy ny vahoaka, hoy hatrany ny tenany.
J. Mirija