Hatreto mantsy dia mbola tsy nolaniana hatrany io protocole io hany ka maro loha ireo olana sedrain’ny vehivavy eny anivon’ny fiaraha-monina. Anisan’ireny ny fisitrahan’ny vehivavy ny zo ara-pahasalamana momba ny fananahana tokony hananany. Tokony hisy hoy Rtoa Estelle Amad, sekretera jeneraly eo anivon’ny CNFM ny lalàna mifehy izany ary hanan-tsafidy malalaka ny vehivavy fa tsy hoteren’ny fiaraha-monina. Anisan’ireny ny resaka fanabeazana aizana. Tokony hanan-tsafidy malalaka ny vehivavy iray hoy izy na hampiasa izany na tsia fa tsy sanatria hoterem-badiny na ny fianakaviany. Nasian’izy ireo resaka ihany koa ny mikasika ny fanalan-jaza. Ekena fa aina ny zaza miforona ao am-bohoka hoy izy saingy tokony hojerena kosa ireo vehivavy manana olana ara-pahasalamana na voaolana ka tsy afaka na vonona ny hitondra izany zaza izany mandritra ny sivy volana ao an-kibony. Tsy tokony hisy ny fanenjehana na fanerena ireo vehivavy voakasik’izany hoy hatrany ny fanazavany. Marihina moa fa nanatanteraka atrikasa tetsy amin’ny Live hotel Andavamamba ny CNFM omaly. Vehivavy manodidina ny 100 no naneho ny heviny mikasika io zo ara-pahasalamana momba ny resaka fananahana eo amin’ny vehivavy io ka hisy ny fehin-kevitra havoaka.
Pati
Legende : Rtoa Estelle AMAD, sekretera jeneralin’ny CNFM
Namoaka tatitra momba ny ady amin’ny kolikoly mandritra ny taona 2023 ny tendrom-pitsarana manokana
Nitory ny Mpikamban’ny HCC na ny Fitsarana avo momba ny lalàmpanorenana eny amin’ny Fitsarana ambony na ny HCJ (Haute Cour de Justice)
Voatery teny an-dalambe no navoaka ny mofomamy nanamarihan’ny Randrana sendikaly ny fetin’ny asa omaly
hitodika amin’ny fanatsarana ny famatsiana ny rano fisotro madio eto amin’ny faritra Analamanga ny fitondrana.
Mahatratra 6 tapitrisa ireo olona mipetraka eto amin’ny lemak’Antananarivo amin’izao.
Nitombo hery ka nivadika ho andro ratsy na depression tropicale ilay tangoron-drahona ao Avaratry